युएस बांग्ला एयरको फागुन २८ गते भएको दुर्घटनामा पाइलट र टावरबीचको संवादमा कन्फ्युजन भएको प्रष्ट भइसक्यो। उनीहरु रनवे ०२ र २० मा अलमलिएका थिए। दुई अङ्कको पिरोलाइ यतिमा सीमित छैन, शुक्रबार फेरि दुई अङ्कको मार पर्यो। प्रधानमन्त्री र सभामुखले मृत्यु हुनेको संख्याभन्दा दुई मिनेटको अन्तरालमा दुई जना थपघट भयो।
कुरा के भने नि, शुक्रबारको संसद बैठक सुरु हुने बित्तिकै प्रधानमन्त्री केपी शर्मा ओलीले विमान दुर्घटनाबारे जानकारी दिए। यस क्रममा उनले दुर्घटनामा २२ नेपाली, २६ बंगलादेशी र एक चिनियाँ नागरिकको निधन भएको जानकारी दिए।
त्यसलगत्तै सभामुख कृष्णबहादुर महराले विशेष (शोक) प्रस्ताव वाचन गरे। त्यसमा भने २२ नेपाली र २८ बंगलादेशी अनि एक चिनियाँ नागरिकको मृत्यु भएको उल्लेख छ।
हेर्नुस् भिडियो
यो हिसाबले दुई जना बंगलादेशी उपचार गराइरहेका भए पनि उनीहरुको मृत्यु भन्दै शोक प्रस्ताव पारित भयो।
यो अलमलमा प्रधानमन्त्री र सभामुखमात्र परेका हैनन्, गृह मन्त्रालयसमेत त्यो दिन कन्फ्युज भएको थियो। सुरुमा त गृहले विज्ञप्ति निकालिहाल्यो- ५१ जनाको निधन भएको भन्दै।
केही समयपछि गृह मन्त्रालयले फेरि अर्को विज्ञप्ति निकाल्दै अघिको विज्ञप्ति गलत भएको भन्यो।
हेर्नुस् गृह मन्त्रालयको विज्ञप्ति
हेर्नुस् भूल सुधार गरिएको विज्ञप्ति
यहाँ जे गरे नि हुन्छ , तलब तेसै पाक्छ।