देशको प्रमुख अखबार कान्तिपुरको न्युजरुममा पुनसंरचना गरिएको छ। अखबारमा एक जना मात्र सम्पादक हुने पुरानो संरचनालाई परिवर्तन गर्दै अब ब्युरोका सम्पादक बनाइएका हुन्। फागुन ७ गते कान्तिपुरको २५ औँ वार्षिकोत्सवको पूर्वसन्ध्यामा कान्तिपुरका प्रधान सम्पादक सुधीर शर्मा र प्रकाशक कैलाश सिरोहियाले ट्विटरबाट यसको घोषणा गरेका हुन्। अब कान्तिपुरका सम्पादक हरिबहादुर थापा हुनेछन्। त्यस्तै कान्तिपुरमा रहेका नौ ब्युरोका कोअर्डिनेटरलाई ब्युरो सम्पादकका रुपमा बढुवा गरिएको छ।
१० वर्षदेखि कान्तिपुरको नेतृत्व गर्दै आइरहेका प्रधान सम्पादक सुधीर शर्माले आज ट्विट गर्दै कान्तिपुरको पुनसंरचना गरिएको न्यूजरुममा हरिबहादुर थापालाई सम्पादक पदमा नियुक्त गरिएको बताएका हुन्।
कान्तिपुरको पुनसंरचना गरिएको न्यूजरुममा @Haribthapa लाई सम्पादक पदमा नियुक्त गरिएको छ । थापा र ब्यूरो सम्पादकमा पदोन्नत भएका अन्य सबै साथीहरुलाई बधाई तथा शुभकामना !
— SUDHEER SHARMA (@sudheerktm) February 18, 2018
थापा कान्तिपुरमा स्थापना कालदेखि कार्यरत छन्।
प्रकाशक कैलाश सिरोहियाले पनि प्रधान सम्पादक सुधीर शर्माको प्रस्तावमा कान्तिपुर दैनिकको सम्पादकमा प्रमोसन गरिएको ट्विटबाटै बताएका छन्।
प्रधान सम्पादक सुधीर शर्मा को प्रस्तबमा कांतिपुर दैनिक को सम्पादकमा प्रमोसन हनुभाएका हरि बहादुर थापा लाई हार्दिक बधाई । यो टीम ले कांतिपुर लाई अझ सशक्त बनाई रहनेछ । https://t.co/mEfryUGJL9
— kailash sirohiya (@KailashSirohiya) February 18, 2018
वार्षिकोत्सवकै पूर्वसन्ध्यामा कान्तिपुर टेलिभजनका प्रधान सम्पादक दिलभुषण पाठकलाई जापान भ्रमणमा रहँदै हटाएर नेपाल म्यागेजिनका सम्पादक प्रशान्त अर्याललाई ल्याइएको छ। अर्यालले भिजुअल मिडियामा पहिलो पटक नेतृत्व दिँदैछन्। नेपाल म्यागेजिनमा भने केही अघिमात्रै कान्तिपुर छाडेर अन्नपूर्ण गएका वसन्त बस्नेतलाई ल्याइएको छ। उनलाई सहायक सम्पादकको जिम्मा दिइएको छ भने प्रधान सम्पादक सुधीर शर्मा नै रहनेछन्।
पाठकलाई हटाइएको बारे केटिभीमा कार्यरत सहकर्मीहरुको प्रतिक्रिया पनि सामाजिक सञ्जालमा छाएका छन्-
दिलभुषण पाठक कान्तिपुर टेलिभिजनवाट हटने सम्वन्धी समाचारमा पुनम पौडेलेको कमेन्ट पल्लो गाँउतिर हिट रहेछ 😉 pic.twitter.com/1eVKnIJlXc
— ShIvA DaHaL (@dahalshivaji) February 18, 2018