कसैलाई भगवान मानिसकेपछि भक्तले भगवानको कुनै दोष देख्दैन। दोष हो जस्तो देखिए पनि ढाकछोप गर्नु कर्तव्य ठान्छ। निष्पक्ष हुनै सक्दैन। भ्रष्टाचारीहरुलाई गरेको कारबाहीका कारण भएको वाहवाहीले अवकाशप्राप्त प्रधान न्यायाधीश सुशीला कार्कीको छवि पनि अधिकांश माझ गल्ती गर्नै नसक्नेका रुपमा स्थापित भएको छ। तर अहिले सर्वोच्च अदालतकै सात जना न्यायाधीशको बृहत् पूर्ण इजलासले पूर्व डिआइजी नवराज सिलवालको मुद्दामा गरेको फैसलाको पूर्ण पाठमा उनका आदेशहरुमाथि प्रश्न उठाइएको छ। नाम उल्लेख नगरे पनि उनलाई ‘गलत तथ्यका आधारमा’ फैसला दिने न्यायाधीशका रुपमा चित्रण गरिएको छ। तीन बुँदे न्यायिक टिप्पणी नै लेखिएको छ। २०७४ भदौ २७ गते भएको यो फैसलाको पूर्ण पाठ हालै तयार भएको हो