यस पटक मिस वर्ल्डमा नेपालको प्रतिनिधित्व गरिरहेकी नीकिता चाण्डकबाट ठूलै अपेक्षा गरिएको थियो। मिस नेपालमा उनको प्रश्नहरुको जवाफ दिने शैली हेरेर धेरैले यस्तो अपेक्षा गरेका थिए। तर सौन्दर्य प्रतियोगितामा पनि अरुतिर जस्तै जितिरहने देशहरुले नै धेरै जित्ने सम्भावना हुने रहेछ। यस पटक पनि मिस वर्ल्ड मिस इन्डिया मानुषी चिल्लर भइन्। नीकिता टप ४० मै सीमित भइन्। नेपालीहरुको भोटका कारण उनी आफ्नो समूहको हेड टु हेड च्यालेन्ज जितेर टप ४० मा पुगेकी थिइन्। सीधै टप १५ सम्म पुग्न सक्ने मल्टिमिडिया च्यालेन्जमा भने नेपालीहरु लागिपरेको काम लागेन, मिस मंगोलियाले टप्काइन् उपाधि। ब्युटी विद् अ पर्पोजमा पनि उनको सम्भावना मानिएको थियो छाउपडीविरोधी अभियानका कारण। तर त्यसमा पनि उनी टप फाइभमा पुग्न सकिनन्। नीकिताले अन्तमा मिस नेपाल इशानी श्रेष्ठको रेकर्डसमेत तोड्न सकिनन्। इशानीले सन् २०१३ मा ब्युटी विद् अ पर्पोज जितेर मिस वर्ल्डको टप १० मा स्थान बनाएकी थिइन्। नेपाली सुन्दरीहरुले विश्वस्तरको सौन्दर्य प्रतियोगितामा पाएको यो नै सर्वाधिक सफलता हो। उपाधि नजिते पनि टिभी स्क्रिनमा भने नीकिता पटक पटक देखिइन्। हेरौँ केही दृश्य-
मिस वर्ल्डको ओपनिङ डान्समा नीकिता पनि देखिइन्-
त्यसपछि डान्सेज अफ वर्ल्डमा नेपाली पोशाक र नृत्यका साथ देखा परिन् नीकिता
