यी हुन् विकी लभ्स मोनुमेन्टस प्रतियोगितामा विजयी १० फोटोहरु

आजभोलि केही विषयमा बढी जानकारी पाउन मन लाग्यो कि खोलिने वेबसाइट हो विकिपिडिया। विकिपिडियाले आफ्ना विकिमिडिया च्याप्टर्स र ग्रुप्सहरुको आयोजनामा सांस्कृतिक सम्पदाहरुको सार्वजनिक फोटो प्रतियोगिता गर्ने गर्छ। यसको सुरुवात नेदरल्यान्डसबाट सन् २०१० मा भएको हो। त्यसपछि २०११ मा यो युरोपभर आयोजना भयो। यो वर्ष भने नेपालमा पनि आयोजना गरिएको थियो। यो प्रतियोगिताको उद्देश्य पाठकहरु र विकिपिडियाका प्रयोगकर्ताहरुलाई सांस्कृतिक धरोहरहरुको फोटो खिचेर विकिपिडियामा प्रयोगका लागि अपलोड गर्न लगाउनु हो। नेपालमा भएको प्रतियोगितामा १०३ जनाले ३ हजार ११६ वटा फोटो अपलोड गरेका थिए। ती मध्येबाट उत्कृष्ट १० को घोषणा गरिएको छ। हेरौँ उत्कृष्ट १० फोटोहरु