हनुमानढोकामा मध्यरात हुन लाग्दा ‘पराल युद्ध’

काठमाडौँमा धूमधामका साथ आठ दिनसम्म मनाइने इन्द्रजात्राको आइतबार अन्तिम दिन। महिलाले मात्र तानेर कुमारीको रथ परिक्रमा गरी वसन्तपुरमा फर्काइसकिएको थियो। एमाले नेतृ छँदा कुमारी प्रथाको विरोधमा राखेको अभिव्यक्तिले विवादित बनेकी विद्या भण्डारी राष्ट्रप्रमुखको रुपमा कुमारीको दर्शन गर्न कुमारी घर पसेको केही समयमा इन्द्रजात्राको लिङ्गो साइत हेरेको समयमा ढालियो। मध्यरात हुन लागेको थियो। लिङ्गो ढाल्ने बित्तिकै लिङ्गोको टुप्पोमा रहने भोगटे लिन तँछाड मछाड भयो। कुन चाहिँले पो हो त्यो पायो। त्यसपछि सुरु भयो, पराले युद्ध। त्यहाँ राखिएका परालले एकअर्कालाई हान्दै सुरु भयो रमाइलो। एकैछिनमा त्यो ठाउँमा परालबाहेक केही देखिएन। हेरौँ त्यो रमाइलोका केही फोटो र भिडियो।