चार वटा प्रदेशको प्रदेश सभाका प्रत्यक्ष चुनिने सांसदभन्दा ठूलो अहिलेको मन्त्रिपरिषद्

प्रधानमन्त्री शेरबहादुर देउवाले इतिहासकै ठूलो मन्त्रिपरिषद् बनाउँदैछन्। नयाँ संविधान लागू भएपछि २५ जनाको मात्र मन्त्रिपरिषद् हुने व्यवस्था संविधान मै भएका कारण उनको यो रेकर्ड कसैले तोड्न गाह्रै पर्ला। यसका लागि संविधान संशोधन नै गर्नुपर्ने स्थिति आउनेछ।

अहिले नै ५० सदस्य भएको मन्त्रिपरिषद्‍मा कमल थापाको राप्रपा फुटेर बनेको राप्रपा प्रजातान्त्रिकका तीन मन्त्री र एक राज्यमन्त्री थपिएपछि ५४ सदस्यको हुने भएको हो। रोचक त के छ भने अहिलेको मन्त्रिपरिषद् चार वटा प्रदेशको प्रदेश सभाभन्दा ठूलो हुनेछ। 

अहिलेको मन्त्रिपरिषद् प्रदेश नम्बर ४, ५, ६ र ७ को प्रदेश सभाको संख्या भन्दा ठूलो हुन लागेको हो। प्रदेश सभा भनेको प्रदेशको संसद हो।

प्रदेश नम्बर ४ मा जम्मा ३६ जनाको प्रदेश सभा हुनेछ। त्यस्तै प्रदेश नम्बर ५ भने ५२ सदस्यको हुनेछ। प्रदेश नम्बर ६ मा सबैभन्दा कम २४ जनाको प्रदेश सभा हुनेछ भने प्रदेश नम्बर ७ मा ३२ जनाको सभा हुनेछ।

(नोट : यो प्रदेश सभाको प्रत्यक्ष निर्वाचित हुने संख्यामात्र हो। संविधान बनाउँदा सुरुमा प्रदेश सभामा प्रत्यक्ष निर्वाचित मात्र सांसद हुने तयारी गरिए पनि जारी गर्दा भने प्रदेश सभामा समानुपातिकबाट निर्वाचित हुने संख्या पनि थपिएको थियो।)

प्रदेश सभाको कूल संख्या भने यस्तो हुन्छ-

प्रदेश १
प्रदेश सभा कूल सिट ९३
प्रत्यक्ष सिट : ५६
समानुपातिक सिट : ३७
बहुमतका लागि आवश्यक सिट : ४७

प्रदेश २
प्रदेश सभा कूल सिट १०७
प्रत्यक्ष सिट : ६४
समानुपातिक सिट : ४३
बहुमतका लागि आवश्यक सिट : ५४

प्रदेश ३
प्रदेश सभा कूल सिट ११०
प्रत्यक्ष सिट : ६६
समानुपातिक सिट : ४४
बहुमतका लागि आवश्यक सिट : ५६

प्रदेश ४
प्रदेश सभा कूल सिट ६०
प्रत्यक्ष सिट : ३६
समानुपातिक सिट : २४
बहुमतका लागि आवश्यक सिट : ३१

प्रदेश ५
प्रदेश सभा कूल सिट ८७
प्रत्यक्ष सिट : ५२
समानुपातिक सिट : ३५
बहुमतका लागि आवश्यक सिट : ४४

प्रदेश ६
प्रदेश सभा कूल सिट ४०
प्रत्यक्ष सिट : २४
समानुपातिक सिट : १६
बहुमतका लागि आवश्यक सिट : २१

प्रदेश ७
प्रदेश सभा कूल सिट ५३
प्रत्यक्ष सिट : ३२
समानुपातिक सिट : २७
बहुमतका लागि आवश्यक सिट : ४७