तपाईँलाई म विदेशमा रहेका एनआरएन आफन्तसित जति मन लाग्छ त्यति ऋण लिन्छु भन्ने लाग्छ भने ध्यान दिनुस्। नेपालको कानुन अनुसार तपाईँ त्यसरी मन लागे जति ऋण लिन पाउनु हुन्न।
अहिलेसम्म तपाईँले २ लाख अमेरिकी डलरसम्म मात्र ऋण लिन पाउनु हुन्थ्यो। हिजो जारी भएको मौद्रिक नीतिले त्यो सीमालाई बढाएर ५ लाख बनाएको छ। ५ लाख डलरसम्म ऋण लिन यो मौद्रिक नीतिले बाटो खुला गरिदिएको छ।
मौद्रिक नीतिको विदेशी विनिमय व्यवस्थापन शीर्षक अन्तर्गत १५० नम्बरको बुँदामा यसको व्यवस्था गरिएको छ। क-कसले यस्तो ऋण लिन पाउँछन् त?
-नेपाली नगारिक
-फर्म
-संस्थाहरु
के उद्देश्यका लागि ऋण लिन पाउँछन् त?
– आफ्नो व्यवसाय गर्न
– भइरहेको व्यवसाय विस्तार गर्न
कोसँग लिन पाउँछन् ऋण?
– विदेशमा रहेका आफ्ना नातेदार
– अन्य व्यक्ति
– गैर आवासीय नेपाली
– संघसंस्था
तर यसरी ऋण लिन पनि नेपाल राष्ट्र बैँकको पूर्व स्वीकृति र बैँकले तोकेको शर्तको अधिनमा रहनु पर्नेछ।
भारतको हकमा भने ५ करोड भारतीय रुपैयाँसम्म ऋण लिन सक्ने व्यवस्था गरिएको छ।