भारतीय नम्बर प्लेट र झण्डा भएको गाडी चढेर नेपालको चुनावको प्रचार

आइतबार दोस्रो चरणको स्थानीय तह निर्वाचनको उम्मेदवारी दर्ता गर्ने दिन झापादेखि मोरङ, सुनसरी हुँदै प्रदेश नम्बर २ प्रवेश गर्दा बाटोमा धेरै दृश्य देख्न पाइयो। निर्वाचन आयोगको आचार संहिता भन्ने कुरालाई सबै दलले धज्जी उडाएको देखियो। बिचरा आयोग लाचार रहेछ। केही गर्नै नसक्ने। सुनसरीको लौकहीस्थित कोशी गाउँपालिकाको उम्मेदवारी दर्ता गर्ने ठाउँमा देखिएको भारतीय नम्बर प्लेटका गाडीले मेरो ध्यान तान्यो। गाडीमा सूर्य चिह्न अंकित झण्डा फहराइएको थियो।

त्यो एउटा गाडीमात्र त्यहाँ थिएन, भारतीय गाडीको लस्करै त्यहाँ रोकिएका थिए। सबैमा सूर्य झण्डा नै गाडिएको थियो। खासमा नेपालको गाडीको भाडाभन्दा भारतको गाडीको भाडा सस्तो पर्ने भएपछि बेग्लै राष्ट्रवाद जागेको हुनुपर्छ।

यो गाडीको नम्बर छोपिएको जस्तो देखिन्छ। तर रातो लगाइएको मुन्तिर बीआर अर्थात् भारतको बिहारकै नम्बर देखिन्छ।

यहाँ देखिएका चार वटै गाडी र फोटोमा नदेखिएका अरु पनि गाडी भारतको बिहारकै नम्बर प्लेट भएका थिए। सबैमा सूर्य झण्डा नै गाडिएको थियो।

यो फोटोमा तपाईँले ध्यान दिएर हेर्नुभो? गाडीको शिशामा भारतीय झण्डा पनि छ। तल सूर्यको झण्डा, माथि भारतको झण्डा !

त्यस्तै अर्को पनि-

यो पनि हेरौँ। यो चाहिँ माओवादीको झण्डा भएको-

आचार संहिता पनि हेर्नुस्