अर्थमन्त्री डा. युवराज खतिवडाले आज सार्वजनिक गरेको आर्थिक सर्वेक्षण २०७४/७५ मा रोजगारी सम्बन्धी केही तथ्याङ्क यस्ता छन्-
-
- नेपालको जनसंख्या संरचना अनुसार प्रतिवर्ष करिब ५ लाख व्यक्ति श्रम बजारमा थपिने गरेका छन्।
- हाल करिब ४३ लाख युवा औपचारिक र अनौपचारिक माध्यमबाट वैदेशिक रोजगारीमा गएका छन्। त्यसरी जाने मध्ये १.५ प्रतिशत मात्र दक्ष छन्। अर्धदक्ष २५ प्रतिशत छ भने सबैभन्दा ठूलो संख्या अदक्षको ७४/६ प्रतिशत छ।
- संस्थागत रुपमा ११० वटा देशहरुलाई वैदेशिक रोजगारीका लागि खुला। व्यक्तिगत रुपमा वैदेशिक रोजगारीमा जाने प्रयोजनका लागि भने १६७ भन्दा बढी देश खुला।
- बेरोजगारी दर २.३ प्रतिशत। अर्ध बेरोजगारी दर ३० प्रतिशत। युवा अर्धबेरोजगारी दर ३५.८ प्रतिशत।
- दैनिक करिब एक हजार नेपाली युवा रोजगारीका लागि विदेशिने गरेका छन्।
- नेपालमा वर्क परमिट लिई काम गर्ने विदेशी नागरिकको संख्या यो आर्थिक वर्षको ८ महिनामा १ हजार ३५ जना छन्। गएको वर्ष भने १ हजार २४५ थियो। यो वर्ष ५८८ जनाको वर्क परमिट रिन्यु गरिएको छ।