काठमाडौँ महानगरपालिकाको मतगणनामा कुनै त्यस्तो रोमाञ्चक मोड आएन। सुरुदेखि नै अगाडि अगाडि दौडिरहेका विद्यासुन्दर शाक्यले महानगरपालिकाको मेयरमा एमालेको झण्डा गाड्ने निश्चित भएको छ। बुधबार उनले आफ्ना प्रतिस्पर्धी कांग्रेसका राजुराज जोशीसितको दूरी अझ बढाएका छन्। विद्याका अगाडि राजु कमजोर प्रतिस्पर्धी साबित भएका छन्। उपमेयरमा भने ठीक उल्टो एमाले-राप्रपा गठबन्धन उम्मेदवार राजाराम श्रेष्ठ भन्दा धेरै अगाडि कांग्रेसकी हरिप्रभा खड्गी छिन्। अब बाँकी रहेका ३२ हजार मतमध्ये चमत्कार भएमात्र राजु र राजारामको विजय हुने गणितीय सम्भावना छ। व्यवहारिक हिसाबमा त्यो सम्भव देखिँदैन। दिनमा १६ हजार जति मत गनिने भएकोले गणनामा अवरोध नआए शुक्रबार महानगरपालिकाले नयाँ मेयर र उपमेयर पाउन सक्छ।
उपमेयरमा बुधबार रातिसम्मको मतगणना परिणाम
