चुनाव वैशाख ३१ गते आइतबार भएको भए पनि मतगणना जेठ १ गतेदेखि मात्र सुरु भएकोले आइतबार सातौँ दिन थियो मतगणनाको। आइतबार रातिसम्म ८१ हजार १ सय ८० अर्थात् ४३ प्रतिशत मात्रै मत गनिएको छ। अर्थात् अझै ५७ प्रतिशत मत गन्न बाँकी छ। तर पछिल्लो समयमा एकै दिनमा धेरै ठाउँमा मत गन्ने क्रम जारी रहेकोले विवादका कारण नरोकिए यति मत गन्न जति दिन लागेको थियो, त्यति नलाग्ने देखिन्छ। कति लाग्ला त समय? यसो हिसाब गरौँ।
कुन दिन कति मत गनियो?
शुक्रबार र शनिबार झण्डै साढे १८ हजार मत एक दिनमा गनिएको थियो। तर आइतबार दिनभरमा झण्डै २५ हजार मत गनियो।
काठमाडौँमा कति मत खस्यो यकिन तथ्याङ्क निर्वाचन आयोगले दिएको छैन। तर २ लाखको हुने अनुमान रहेकोमा चार महानगरको करिब तथ्याङ्क सार्वजनिक गर्ने क्रममा करिब १ लाख ९० हजार मत खसेको आयोगले जनाएको छ।
यो हिसाबले अब पाँच दिनभित्र अर्थात् यही शुक्रबारभित्र काठमाडौँ महानगरपालिकाको पूर्ण परिणाम आइसक्नेछ।
महेन्द्रको पालामा जताततै महेन्द्रबाणी भनेर तोरण पोस्टरहरु देखिन्थे–
“अाजको कामलाई भोली नभन्नु”
“…दश बर्षमा गर्ने काम हामीले एकै बर्षमा गर्नु पर्छ..”
तर भयो ठीक विपरित| राजदरवारले समेत फलो गरेनन नीजी स्वार्थमा बाहेक| राज्धानीमा मेयरको मतगणना हेर्दा महेन्द्रवाणीको उल्टो फलो गर्ने परमपरा कायमै रहेको सावित हुन्छ|
किन गणना गर्न यतिका ट्याम लागेको हो, राष्ट्रिय समयको वर्वादी| ब्यवस्थापन पूर्वनियोजित ढंगमा नभएर हो वा निर्वाचन आयोगको निकम्मपनले हो?
खोइ किन हो अहिले सम्म कुनै पत्रकार, बुज्रुग,बुद्धिजीवी र खोस्टे राज्नीतीकर्मीहरुले यसबारे जोडदार आवाज उठाएका छैनन?