स्थानीय निर्वाचनको मतपरिणाम आउँदै गर्दा केही रोचक परिणामहरु देखिएका छन्। नेपाली कांग्रेसका सभापति शेरबहादुर देउवाको घर भएको बूढानिलकण्ठ नगरपालिकाको वडा नम्बर १३ मा एमालेले प्यानलैसहित विजय हासिल गरेको छ। प्यानल भनेको वडा अध्यक्ष, दुई वडा सदस्य र एक महिला सदस्य र एक दलित महिला सदस्य हुन्।
त्यस्तै ओलीको घर भएको सूर्यविनायक नगरपालिका वडा नम्बर २ मा भने कांग्रेस वडाअध्यक्षमा विजयी भएको छ।
देउवा निवासको वडामा एमालेले प्यानल जिते जस्तो ओली निवासमा कांग्रेसले प्यानल जित्न भने सकेको छैन। त्यहाँ वडा सदस्यमा एमालेका विश्वराज विष्ट निर्वाचित भए।
ओली पहिले झापामा बस्ने र त्यहीँ भोट हाल्ने गरिरहेका थिए। यस पटक भने उनले मतदाता सूचीमा नाम झापाबाट भक्तपुरको सूर्यविनायक नगरपालिकामा सारेका थिए। किनभने उनको बालकोटस्थित घर सूर्यविनायक मै पर्छ।
त्यस्तै माओवादीबाट अलग भएर नयाँ शक्ति नेपाल पार्टीका संयोजक बनेका बाबुराम भट्टराईको पार्टी उनकै गृहनगर पालुङटारमा पराजित भएको छ। पालुङटारमा कांग्रेसले मेयर जित्यो भने माओवादीले उपमेयर। नयाँ शक्ति तेस्रो स्थानमा रह्यो।
ओली को घर मा देउपा सर्नु देउपा को घर मा ओली सर्नु आखिर बार्ता गर्दा भैहाल्छ
Wada baasi haru chhimeki neta ko dherai jaso kalo kartut ko saachhi hunchhana, tyasaile hola
गाउँको जोगी भातमारा, टाढाको सिद्ध ।
May be it is a goodwill gesture by both.