भालुको आक्रमणबाट यसरी ज्यान जोगाएँ, सुन्नुस् जीउको रौँ ठाडो पार्ने गरी शंकरले सुनाएको विवरण

यी हुन शंकर चौधरी। भाग्यले ज्यान जोगाएका व्यक्ति। यिनी बस्छन् बाघखोरमा। नजिकै नारायणी नदी तरेपछि चितवन राष्ट्रिय निकुञ्ज छ। निकुञ्जका जनावरहरु खोला तरेर यतासम्म आउँछन्। केही वर्षअघि वनमा घाँसदाउरा गर्न जाँदा भालुसित जम्काभेट भयो। उस्तै परेको भए ज्यान जान सक्थ्यो। तर यिनले भालुसँग लाप्पा खेले। घाइते त भए तर उपचारपछि ज्यान जोगियो। बाघखोरमा रहँदा हिजो राति उनको अनुभव सुन्न पाइयो। सुन्नुस् उनैको मुखबाट यो भिडियोमा

तपाईँलाई लाग्ला झण्डै ज्यान गुमाएका शंकर वन्यजन्तुसित घृणा गर्छन्। त्यसो हैन रहेछ। उनी त वन्यजन्तुलाई जोगाउनु पर्छ भन्दा रहेछन्। वन्यजन्तु हेर्न पर्यटक आउँछन् र उनीहरुबाट आफूहरुको रोजिरोटी चल्छ भन्ने चेतना यहाँ फैलिएको रहेछ। सरकारले निकुञ्ज आसपासका क्षेत्रलाई मध्यवर्ती क्षेत्र घोषणा गर्दै जंगल स्थानीय समुदायलाई हस्तान्तरण गर्ने नीति यहाँ सफल भइरहेको देखियो। यहाँका अरु पनि विषय छन् त्यो अर्को ब्लगमा।