अपडेट (डिसेम्बर २४, शनिबार राति ७:१४) : यसपालि पनि क्रिसमसमा इसाई धर्मावलम्बीलाई मात्र नभई सबैलाई सार्वजनिक विदा हुने भएको छ। यससम्बन्धी गृह मन्त्रालयको निर्णय शनिबार साँझ ६ बजेसम्म पनि मन्त्रालयको वेबसाइटमा अपलोड गरिएको थिएन। सोमबार राति ७ बजे अपलोड गरिएको विज्ञप्तिमा आइतबार क्रिसमस डेमा नेपाल राज्यभर तथा विदेशस्थित सबै नेपाली कुटनीतिक नियोगहरुमा लागू हुने गरी नेपाल सरकारले पर्व विदा दिने निर्णय गरेको उल्लेख छ।
यसअघि राजपत्रमा प्रकाशित सूचनामा भने विदा इसाई धर्मावलम्बी सरकारी कर्मचारीलाई मात्र हुने उल्लेख थियो।
यसअघिको ब्लग
नझुक्किनुस्, यसपालि क्रिसमसमा आइतबार सबैलाई विदा छैन
अघिल्ला केही वर्षहरुमा क्रिस्चियनहरुले उल्लासपूर्वक मनाउने चाड क्रिसमसमा सबैलाई सार्वजनिक विदा हुने गर्थ्यो। यो पटक पनि त्यसै होला भन्ने लागेको छ?
नझुक्किनुस्। यो पटक सबैलाई क्रिसमसमा विदा छैन।
नेपाल सरकारले यो वर्ष कुन कुन पर्वमा विदा दिने भन्ने बारे पोहोरै निर्णय गरेर राजपत्रमा यसबारे सूचना छापिसकेको छ। त्यस अनुसार क्रिसमसमा सबैलाई विदा छैन। त्यसैले पोहोर परार जस्तो विदा यसपालि हुने छैन। तर विदा नै नहुने भन्ने चाहिँ होइन।
सरकारले क्रिसमसमा इसाई धर्मावलम्बी सरकारी कर्मचारीहरुलाई मात्र विदा दिने भनेको छ। अर्थात् कोही सरकारी कर्मचारी हो र इसाई धर्मावलम्बी पनि हो भने मात्र उसले विदा पाउने छ।
राष्ट्रिय जनगणना २०६८ अनुसार नेपालको कूल जनसंख्याको १.४२ प्रतिशतमात्र क्रिश्चियन छन्। त्यसमध्ये कति सरकारी सेवामा छन्, त्यसको तथ्याङ्क भने छैन।
हेर्नुस् राजपत्रमा प्रकाशित सूचना
क्रिश्चियनलाई झै अन्य कर्मचारीहरूलाई पनि उनिहरूले मान्ने धर्म अनुसार सार्वजनिक विदा गराउनु पर्छ | मुसलमानलाई दशैमा विदा किन , त्यस्तै रमजानमा हिन्दुलाई विदा किन
कूल जनसंख्याको १.४२ प्रतिशत मात्र रहेका क्रिश्चियनका कारण किन सबैलाई विदा दिने ? यस पटक सरकारले सही निर्णय गरेछ ।
के खृस्टियनहरुलाई दोस्रो दर्जाको नागरिक सरह व्यवहार गरेको हो सरकारले? किन भेदभाव ?
भेद- भाव कसरि भयो?? बिदा दियेको नै छ तर तिमीहरू लास पुजक हरू को लागि मातर