केपी ओलीको नाममा कुन चैँ फटाहाले गरेछ झलनाथ र माधव नेपालबारे गलत हल्ला

बिहीबार बिहान फेसबुकमा केपी ओलीको नाममा एउटा स्टायटस पोस्ट भयो जसमा यस्तो लेखिएको थियो-

केपी ओलीको नाम छ, सयौँले लाइक गरेका छन्, कयौँले सेयर गरेका छन्, कमेन्ट लेखेका छन्। हैन जस्तो त लाग्दै लाग्दैन। तर वास्तवमा यो ओलीले हैन ओलीको नाममा कुन चैँ फटाहाले लेखेको हो भन्ने प्रमाणित हुन्छ तलका तीन फोटो हेरेपछि।

यो फोटो हो यो स्टायटस लेखिनुभन्दा अघिल्लो राति राष्ट्रपति विद्यादेवी भण्डारीले भारतीय राष्ट्रपति प्रणव मुखर्जीको सम्मानमा गरेको भोज (स्टेट ब्याङ्क्वेट) को। यसमा केपी ओलीको अगाडि माधव नेपाल प्रष्टै देखिन्छन्।

त्यही भोजको यो अर्को फोटोमा पनि भारतीय विदेश सचिव एस जयशंकरसँगै माधव नेपाल देखिन्छन्-

अनि यो अर्को फोटो हेर्नुस्, यसमा ओलीसँगै झलनाथ खनाल पनि देखिन्छन्-

भिडियो हेर्नुस्-

अघिल्लो रात आफूसँगै भएका आफ्नै पार्टीका नेता विदेशमा छन् भनेर असली केपी ओलीले लेखे होला त? हुनै सक्दैन।

तर त्यसो भनेर के गर्नु, मिडियामा पनि दुई नेता विदेशमै छन् भनेर आएको थियो यस्तो हेडलाइनमा-

केपी ओली लैनचौर गएनन्, झलनाथ र माधव विदेशमा

नक्कली केपी ओलीले भने जस्तै समाचारमा पनि लेखिएको छ- ‘एमाले नेता एवं पूर्वप्रधानमन्त्री माधवकुमार नेपाल र झलनाथ खनाल भने भियतनाम र जापानको भ्रमणमा रहेकाले उनीहरु मुखर्जीको स्वागतमा आयोजित कार्यक्रममा सहभागी हुन पाएनन्।’

अब भारतीय दूतावासको लञ्चमा किन ओली गएनन् त भन्ने मूल प्रश्नमा जाउँ। फेसबुकका फटाहाले जे कारण लेखे पनि उनका पिएले भने साथी मनोज सत्यालसितको कुराकानीमा यसो भने-

नभन्दै बिहीबार राति ओलीले भारतीय राष्ट्रपतिलाई भेटिहाले हायात होटलमै।

मिडियाले हचुवामा हान्दिए झलनाथ खनाल र माधव नेपाल विदेशमा छन् भन्दै। मिडियालाई नै विश्वास गरेर नक्कली केपी ओलीले पनि स्टायटस ठोक्दिए फेसबुकमा। कान नछामी कुद्‍नेहरु छँदैछन्।

बिचरा झलनाथ खनाल र माधव नेपाल चैँ घरमा बस्दै हेर्दै हाँस्दै होलान्- म त यतै छु, विदेश गए भनेर पो लेखिरा रहेछन्।