छालावाला खसीको मासु, छालारहित खसी मासु, लोकल भाले…।
नेपाली भाषामा लेखिएको यो साइनबोर्ड देख्दा नेपालकै कुनै ठाउँ हो कि जस्तो लाग्न सक्छ। तर हैन, यो ठाउँ काठमाडौँबाट हवाई दूरीमात्रै साढे नौ हजार किलोमिटरभन्दा बढी छ।
यो सिड्नीमा देखिएको मासु पसलको साइनबोर्ड हो।
अस्ट्रेलियामा भेटिएको काठमान्डु त ‘मेड इन चाइना’ रहेको र त्यसमा नेपालीहरु संलग्न नभएको ब्लग मैले यसअघि नै लेखिसकेको छु। छुटाउनुभएको भए यहाँ क्लिक गरी पढ्नुस्।
तर अस्ट्रेलियामा (म पुगेको ठाउँ सिड्नी र मेलबर्नमा) नेपाल सम्झाउने प्रशस्तै विषय छन्- बाटोमा नेपाली बोल्दै गरेका बटुवा, नेपालीले खोलेका रेस्टुरेन्ट, कलेज, पसलहरु। नेपालीमा लेखिएका साइनबोर्ड। पार्कहरुमा नेपाली टोपी लगाएर घाम ताप्दै नेपालीमा गफ गरिरहेका अ