बुधबार साँझ गजबको दृश्य देखियो। सेनाले कसैको अनुमति नलिई सार्वजनिक टुँडिखेलको जग्गा मिचेर बनाएको आर्मी अफिसर्स क्लबको हलमा एउटा कार्यक्रम भएको थियो- एलजी सिने अवार्ड। त्यसमा एउटा बासी किताब लन्च गरियो। बासी यसकारण कि भारतमा गएको जनवरीमै लन्च भइसकेको शत्रुघन सिन्हाको बायोग्राफी ‘एनिथिङ बट खामोश’ किताब नेपाल लन्चका नाममा आज गरिएको थियो। लन्चका लागि उपराष्ट्रपति नन्दकिशोर पुनलाई उपस्थित गराइएको थियो। प्रोटोकल मिचेर देशको दोस्रो वरियतामा रहेका उपराष्ट्रपतिसँगै विदेशी राजदूत, व्यापारी, विदेशी कलाकार आदिले पनि एउटै स्टेजमा बसेर सँगै किताब लन्च गरे।
प्रोटोकलका हिसाबमा उपराष्ट्रपति त्यसरी सामूहिक विमोचनको कार्यक्रममा अतिथि वा दर्शकमात्र भए उपयुक्त हुन्थ