अर्जुनको ज्वाइँलाई कृष्णको सिफारिश : अलग-अलग गुटबाट ज्वाइँ-ससुरा दुवै मन्त्री बन्दै

नेपाली कांग्रेसको १३ औँ महाधिवेशनमा एउटा रमाइलो हेर्न पाइएको थियो- ज्वाइँ ससुरा मैदानमा। ससुरा अर्जुननरसिंह केसी र ज्वाइँ गगन थापा महामन्त्री पदका लागि भिड्दै थिए। दुवैको गुट फरक। अर्जुन सभापति निर्वाचित भएका देउवा प्यानलका अनि गगन चाहिँ सभापतिका अर्का उम्मेदवार कृष्ण सिटौला प्यानलका। जित भने रामचन्द्र पौडेल प्यानलका सशांक कोइरालाको भयो। अर्जुन दोस्रो अनि गगन तेस्रो।

यो भयो चुनावको कुरा। चुनाव सकिएपछि पनि गुट सकिएको छैन। अब यी दुवै ज्वाइँ ससुरा प्रचण्ड नेतृत्वको सरकारमा मन्त्री बन्दैछन्। त्यो पनि अलग अलग गुटको सिफारिशमा।

अर्जुननरसिंह केसी त प्रचण्डले शपथ लिएकै बेला मन्त्री बन्नुपर्ने। तर रक्षा मन्त्री खान्नँ, जनसम्पर्कका मन्त्रालय चाहिन्छ भनेर उनले मानेनन्। अहिले भने उनले सहरी विकास मन्त्रालय पाउने भएका छन्।

गगन थापाले चाहिँ स्वास्थ्य मन्त्रालय पाउने भएका छन्। पहिलो पटक मन्त्री बन्न लागेका गगन चाहिँ सिटौला गुटको सिफारिशमा मन्त्री हुँदैछन्।

को- को बन्दैछन् मन्त्री?
शेरबहादुर देउवा (संस्थापन) पक्ष
डा प्रकाशशरण महत – परराष्ट्र,
बालकृष्ण खाँड – रक्षा
सूर्यमान गुरुङ – श्रम तथा रोजगार,
अर्जुननरसिंह केसी – सहरी विकास,
केशवकुमार बुढाथोकी – सामान्य प्रशासन,
जीवनबहादुर शाही – पर्यटन

रामचन्द्र पौडेल पक्षधर
दीपक गिरी – सिंचाई,
रोमी गौचन थकाली – वाणिज्य तथा आपूर्ति,
सीतादेवी यादव – शान्ति तथा पुनर्निमाण,
हृदयराम थानी – सहकारी तथा गरिबी निवारण,
नविन्द्रराज जोशी – उद्योग

कृष्ण सिटौला पक्ष
गगन थापा – स्वास्थ्य

खुमबहादुर खड्का पक्ष
शंकर भण्डारी – वन

अहिलेका मन्त्रीहरु

उपप्रधानमन्त्री
विमलेन्द्र निधि गृह
कृष्णबहादुर महरा अर्थ

मन्त्री
रमेश लेखक भौतिक पूर्वाधार तथा यातायात
जनार्दन शर्मा ऊर्जा
दीपक बोहरा आपूर्ति
गौरीशंकर चौधरी कृषि विकास
दलजित श्रीपाइली युवा तथा खेलकुद
विक्रम पाण्डे भूमिसुधार तथा व्यवस्था
जयदेव जोशी जनसङ्ख्या तथा वातावरण
हितराज पाण्डे सङ्घीय मामिला तथा स्थानीय विकास
सुरेन्द्रकुमार कार्की सूचना तथा सञ्चार
धनिराम पौडेल विना विभागीय
अजय शंकर नायक कानुन, न्याय, तथा संसदीय मामिला

राज्य मन्त्री
श्रीप्रसाद जवेगु सङ्घीय मामिला तथा स्थानीय विकास
सत्यनारायण भगत ऊर्जा
राधिका तामाङ्ग कृषि विकास
धनमाया विक विना विभागीय