स्विमिङ पुलमा पौडी खेलेकै भरमा गर्भवती बनाउने नेपालका गजबका साइटहरु र सत्य जानौँ

फेसबुक चलाउँदै गर्दा कसैले लाइक वा सेयर गरेको एउटा न्युजमा आँखा गयो। त्यसमा लेखिएको थियो- स्वीमिङ पुलमा पौडी खेलेकै भरमा किशोरीहरु गर्भवती,यस्तो छ रहस्य। सत्ययुगमा कुन चाहिँ ऋषिको वीर्य नदीमा बगेको थियो रे अनि त्यही खाँदा गर्भवती भयो रे भन्ने कथा सुनेकोहरुलाई अचम्म लागेन होला। पत्याए पनि होला कि। मलाई भने हुँदै नभएको कुरा। कुन चैँले हावा न्युज लेखेछ भन्ने लाग्यो। खोज्दै जाँदा गजबका तथ्य भेटिए। तपाईँ पनि हेर्नुस्, मनोरञ्जन गर्नुस्।

लिङ्कमा क्लिक गरी हेर्दा यस्तो देखियो-

लिङ्कमा क्लिक गरी हेर्नुस्

यहाँ अपत्यारिलो रुपमा यसो भयो रे उसो भयो रे लेखिए पनि स्रोत भने खुलाइएको छैन। अन्तिममा भने न्युज २४ बाट लेखिएको रहेछ। न्युज २४ टिभीको साइट हेरेँ त्यसमा त्यस्तो केही देखिएन। समाचारकै केही वाक्य राखेर गुगलमा सर्च गर्दा भने टन्नै वेबसाइट देखिए।

एउटा अर्को साइट यस्तो थियो-

लिङ्कमा क्लिक गरी हेर्नुस्

यसमा पनि उस्तै कुरा। कपिपेस्ट नै। यसमा चाहिँ स्रोत एजेन्सीको सहयोगमा लेखिएको रहेछ। कुन एजेन्सी हो थाहापत्तो नाइँ।

अझ एउटा अर्को साइट पनि भेटियो, यसमा पनि उही कुरा। शायद यही नै नेपाली कन्टेन्टको स्रोत पो थियो कि

लिङ्कमा क्लिक गरी हेर्नुस्

यसमा पनि स्रोत भने खुलाइएको रहेनछ। मिडिया रिपोर्ट भनिएको छ, तर कुन मिडिया रिपोर्ट हो खुलेको छैन। अरु फेसबुक पेज र ब्लगस्पट साइटहरुले त यही कन्टेन्ट कति हालेका रहेछन् कति- ती सबलाई यहाँ उल्लेख गर्न सम्भव छैन। विश्वसनीय ठानिएका वेबसाइटहरुले नै दिएको यो खबरलाई कसरी अविश्वसनीय मान्ने? लौ भएन बा, स्रोत खोज्नु पर्‍यो भनेर गुगलतिर लागेँ फेरि एक पटक। के भनेर सर्च गर्ने त? फ्लोरिडा, स्विमिङ पुल, प्रेग्नेन्ट सर्च गरेको- भेटियो सत्य।

के हो त सत्य?

यी समाचारको स्रोत यो रहेछ-

लिङ्कमा क्लिक गरी पढ्नुस्।  रमाइलो चाहिँ के भने worldnewsdailyreport.com साँच्चिकैको समाचार हैन, यस्तै उट्पट्याङ खाले फेक न्युज दिने वेबसाइट हो।

• यसका केही पछिल्ला फेक समाचारका हेडलाइन यस्ता छन्-
  रुसी खेलाडीले खुम्चिएको अण्डकोषको कारण जिका भाइरसलाई दिए, स्टेरोयड्सलाई हैन
  जापानी ह्वेलिङ क्रुलाई किलर ह्वेलले जिउँदै निल्यो, १६ ठहरै,
  योको ओनोले भने, ७० को दशकमा मेरो हिलारी क्लिन्टनसित अफेयर थियो
  जर्मन वैज्ञानिकले मृत्युपछि पनि जीवन हुने प्रमाणित गरेर देखाए
  डोनाल्ड ट्रम्पले आफू निर्वाचित भए श्रीमतीका अरु फोटो पनि सार्वजनिक गर्ने वचन दिए
  फोहर पानीमा खसेपछि रियो ओलम्पिकका खेलाडी गर्भवती भए
  पापाराजीले हिलारी क्लिन्टनका नाङ्गा फोटो सार्वजनिक गर्ने धम्की दिए

अब कुनै दिन यस्ता समाचार पनि अनुवाद भएर आए अचम्म मान्नुपर्दैन।

भाइरल भएका विषयहरु सही हो कि गलत पत्ता लगाउने साइट स्नुप्सले यस विषयमा लेखेको छ। यसले पनि यो फेक न्युज नै भएको ठहर गरेको छ। फेब्रुअरी २०१६ मा सुरु भएर फैलिएको विषय रहेछ यो। लेख्छ-

This particular fake news item was originally posted on 26 January 2016 by the fake news site World News Daily Report. It was subsequently picked up by several similar sites, including Huzlers, Nigerian Infoand Not Allowed To.

समाचारमा उल्लेख भएको एउटा विषयमा भने आंशिक सत्य भेटियो। सन् २००९ मा पोल्याण्डमा एक होटलको स्विमिंग पूलमा पौडी खेल्ने तथा नुहाउने गरेकी एक किशोरीको पनि गर्भ रहेको घटना सार्वजनिक भएको थियो भनिएकोमा गर्भै रहेको चाहिँ हैन गर्भ रह्यो भनेर एक पोल्यान्डकी महिलाले इजिप्टको होटललाई मुद्दा हालेको समाचार चाहिँ सार्वजनिक भएको थियो। यहाँ क्लिक गरी पढ्नुस्।

अब तपाईँ आफै भन्नुस्, स्विमिङ पुलमा पौडी खेलेर गर्भ बस्छ त ?

बस्दैन नभन्नु होला- यत्रा मिडियाले लेखेको कुरालाई गलत भन्ने? कि कसो त ?