राजेश श्रेष्ठले पोल्यान्डको वार्सास्थित भारतीय दूतावास अगाडि रहेको माछापुच्छ्रे हिमाल नजिकै योगा गरिरहेकी केटीको फोटोमा इन्क्रेडिबल इन्डिया लेखिएको साइनबोर्ड फेसबुकमा पोस्ट गरेपछि उठेको विवाद अब समाधान भएको छ। पोल्यान्डका लागि भारतीय राजदूत अजय बिसारिया आफैले माफी मागेर त्यो फोटो हटाइएको जानकारी दिएका छन्।
@AnupKaphle @MEAIndia.Thanks, removed poster. Was an honest mistake, image provided by outsourced company. Apologies to friends in Nepal.
— Ajay Bisaria (@Ajaybis) August 16, 2016
राजदूतले यो फोटो फेसबुकमा पहिलो पटक राख्ने राजेशलाई पनि फेसबुकमै मेसेज पठाइ माफी मागेका छन्।
स्टक फोटो राखिने वेबसाइट सटरस्टकबाट फोटो निकालेर बनाइएको रहेछ यो विज्ञापन। यही फोटो प्रयोग गरेर भुटानको एउटा वेबसाइटले पनि आफ्नो प्रचार गरिरहेको छ। त्यो अझै हटेको छैन। दूतावासले गरेको गल्ती त हट्यो, तर त्यो बिचरा भूगोलको ज्ञान नभएको भुटानीले गरिरहेको प्रचारले उसकै बेइज्जत भएको उसलाई थाहा होला कि नहोला?
भुटानको प्रचारमा नेपालको माछापुच्छ्रे यहाँ क्लिक गरी हेर्न सकिन्छ
यसलाई पनि तपाईँहरुले दबाब दिएर हटाउन चाहने हो भने इमेल गर्नुस् उसले दिएको ठेगानामा [email protected]
