ओलम्पिकमा अहिलेसम्म नेपालले अहिलेसम्म एउटा पनि पदक जित्न सकेको छैन। तर जारी रियो ओलम्पिकमा भने एकै पटक झ्याम्मै गोल्ड मेडल दिलाइदियो एउटा अनलाइन अर्थसरोकार डट कमले। पौडीको हिट चरण अन्तर्गत तीन जना खेलाडी भएको एउटा हिटमा दुई जनालाई जितेको देख्ना साथ अजासुकारिता गर्नेलाई गोल्डमेडलै लेखिदिन हतार भयो।
यो अनलाइनले गल्ती पनि नस्वीकारी सुटुक्कै समाचार सच्याएर राख्न भ्यायो। तर उसले गरेको गल्ती भाइरल भइसकेको थियो। फेसबुकमा बधाईको लर्को लाग्न थालिसकेको थियो। हो कि होइन भन्ने थाहा नपाई सेयर गर्नेको भीड लागिसकेको थियो।
हुँदाहुँदा भर्खरै प्रधानमन्त्रीका स्वकीय सचिवमा नियुक्ति पाएका प्रकाश दाहालले समेत बधाई दिएको स्क्रिनसट सोसल मिडियामा देख्न पाइयो।