प्रचण्डको पुरानो भाषणले उनैलाई गरिरहेको व्यङ्ग्य

राजनीति सम्भावनाको खेल हो भनेर त प्रचण्डले संसदमै भनिसकेका छन्। त्यो दिव्यज्ञान नभएर होला दोस्रो संविधानसभाको चुनावमा लगातार जताततैबाट पराजयको खबर आउने क्रम सुरु भएपछि धाँधली भयो मतगणना नरोकिए संविधानसभामै जान्नौँ भनेर भन्ने पनि प्रचण्ड नै थिए। अघिल्लो संविधानसभामा तेस्रो दल भएको एमालेले दुई पटक प्रधानमन्त्री पड्काएको उनले बिर्सेछन् कि के हो। अहिले तेस्रो दल भएर पनि प्रचण्ड दोस्रो पटक प्रधानमन्त्री भए। आफूले बर्खास्त गरेको प्रधान सेनापति रुक्माङ्गद कटवाललाई राष्ट्रपति रामवरण यादवले थमौती गरेपछि पहिलो पटक प्रधानमन्त्री हुँदा प्रचण्डले राजीनामा दिनुपरेको थियो। त्यतिबेला प्रचण्ड अहिले केपी ओली जस्तै राष्ट्रवादी थिए। चुनाव हारेका तर समानुपातिकबाट संविधानसभामा प्रवेश गराइएका माधव नेपाललाई प्रधानमन्त्री निर्वाचित गर्न लाग्दा प्रचण्डले संसदभा एउटा भाषण गरेका थिए। त्यसका केही अंशले अहिले उनैलाई व्यङ्ग्य गरिरहेको जस्तो देखिन्छ। हेर्नुस् भिडियो-

भिडियो माथि नदेखिए हेर्न यहाँ क्लिक गर्नुस्

त्यतिबेला उनले भनेका रहेछन्-

सरकारमा रहेका केही दलहरु भोलिपल्टै १८० डिग्रीमा परिवर्तन हुन थाले।
आत्मसमर्पण गर्ने, विश्वासघात गर्ने, कुर्सी त्याग्ने, नागरिक सर्वोच्चताको खिल्ली उडाउनेको पक्षपोषण तर राष्ट्रिय अडान नछाड्नेको विरोध
यो उल्टो गंगा बगाउने प्रयत्न नेपालमा कहिलेसम्म हुने हो