आदिकवि भानुभक्त आचार्यको प्रतिमामा राष्ट्रपतिद्वारा माल्यार्पण, नेपालको हैन भारतको राष्ट्रपति !

नेपाली भाषाका आदिकवि भानुभक्त आचार्यको २०२ औँ जन्मदिनको अवसरमा आयोजित कार्यक्रममा राष्ट्रपति उपस्थित भए। उनले भानुभक्तको शालिकमा माल्यार्पण पनि गरे।

यो व्यहोराको क्याप्सन पढेपछि फोटो हेरेँ। फोटोमा त पुरुष पो देखिन्छन् त। ध्यान दिएर हेरेको त उनी प्रणव मुखर्जी पो रहेछन्। नेपालको हैन भारतका राष्ट्रपति। कार्यक्रम भानु जयन्तीको दिन बुधबार दार्जिलिङमा भएको रहेछ।

यी फोटो देखेपछि नेपालका पनि राष्ट्रपतिको यस्तै फोटो खोजेँ। तर काठमाडौँमा भएको भानु जयन्तीको कार्यक्रमको यो फोटो मात्रै देखा पर्‍यो-

मैले छुटाएछु कि भनेर राष्ट्रपति कार्यालयबाट आएका इमेल चेक गरेँ। एउटा वक्तव्य आएको यस्तो रहेछ-

अर्को वक्तव्यमा फोटो पनि रहेछ। हतार हतार खोलेर हेर्छु त यस्तो रहेछ फोटो-

सँगै राखिएको विज्ञप्ति यस्तो रहेछ-

भानुभक्त र भानु जयन्ती बारे केही पनि रहेनछ विज्ञप्तिमा।

भारतीय राष्ट्रपतिको फेसबुकमा हेरेँ, यस्तो रहेछ

अनि चित्त बुझाएँ- ठीकै छ। राष्ट्रपति आदिकवि भानुभक्तको जन्मदिवसका अवसरमा आयोजित कार्यक्रममा सहभागी भएनछन्। आयोजकहरुले बोलाएनछन्। नत्र राष्ट्रपति खस भाषाको आदिकविको कार्यक्रममा मात्र किन सहभागी हुने भन्ने प्रश्न उठ्न सक्थ्यो। कि कसो ? तपाईँको प्रतिक्रिया तल कमेन्ट बक्समा लेख्नुस्।