मुस्ताङ डायरी

हिजो मुक्तिनाथमा देखिएको अलिअलि हिउँ कहिले परेको भनेर सोध्दा दुई दिन अघिभन्ने जवाफ पाइएको थियो। राति यहाँको तापक्रम माइनस ४ सम्म पुगेछ। बिहान होटल सेरिनको झ्यालबाट हेर्दा यस्तो पो देखियो।

जानुपर्ने बाटो गाडी बिग्रेर हैरान। यात्रामा यात्राकै मजा लिने, अरु झ्याउ टेन्सन नलिने भनेर ल्यापटप बोकेको थिइनँ। अहिले होटलको वाइम्याक्सको वाइफाइ र मोबाइल चलाएर मोबाइलको कीबोर्डमा टाइप गर्दै मोबाइलले नै खिचेका केही फोटो राख्ने प्रयास गर्दैछु।

घेराबन्दीमा परियो। चारैतिर हिमालै हिमाल। पाइलाअघि बढ्नै मान्दैन। मुक्तिनाथबाट केही घन्टा झोङ जाने बाटो हिँडेपछि देखिने ठाउँ। त्यसो त थोराङ पास पनि गरिसकेको हुँ। तर त्यतिबेला हिउँ थिएन। आज भने रातभर हिउँ परेकोले जताततै सेताम्मे।