राष्ट्रिय गानको धूनका सर्जक तथा आधुनिक नेपाली संगीतका खम्बा अम्बर गुरुङको उपचार खर्च सरकारले व्यहोर्नुपर्ने भन्दै तपाईँ हामीले दिएको दबाबले काम गरेको छ। हिजो राति बसेको मन्त्रिपरिषद्को बैठकले यस्तो निर्णय गरेको हो।
गुरुङ एक महिनादेखि हरियाणा राज्यको मेदान्त अस्पतालमा उपचार गराइराखेका छन्। ‘खाने नलीको तल्लो आन्द्रामा ट्युमर देखिएको’ चिकित्सकहरुले ठहर गरेपछि उनलाई रेडियो र किमोथेरापी दिइँदैछ। उपचार एकदमै महँगो छ। अहिलेसम्म सबै परिवारले बेहोरिरहेका छन्।
हालै प्रधानमन्त्री केपी ओली भारत भ्रमणमा जाँदा उनले आफ्ना स्वकीय सचिव इन्द्र भण्डारीलाई अस्पतालमा भेट्न पठाएका थिए।