पूर्व राजा ज्ञानेन्द्रका भिनाजुको शालिक अनावरण राष्ट्रपति भण्डारीबाट

पोखरामा हिजो रोचक कार्यक्रम भएको रहेछ। पूर्व राजा ज्ञानेन्द्रका भिनाजु कुमार खड्गविक्रम शाहको शालिक राष्ट्रपति विद्या भण्डारीले अनावरण गरिन्। १४ वर्षअघि नारायणहिटी राजदरबार हत्याकान्डमा मारिएका शाहको शालिक अनावरण गर्दै राष्ट्रपतिले मालासमेत लगाइदिइन्। पूर्व राष्ट्रप्रमुखको परिवारका सदस्यको शालिक अनावरणमा वर्तमान राष्ट्रप्रमुख उपस्थित। पहिलो कार्यक्रम हुनुपर्छ यस्तो।

आयोजकहरु पनि क्या चलाख। राजपरिवारका सदस्यहरु सामाजिक र धार्मिक कार्यक्रमहरुमा सक्रिय भइरहेकै थिए। राजावादी कमल थापासमेत मिलेर बनेको सरकार कायमै थियो। तर पनि आयोजकले शालिक अनावरण चाहिँ राष्ट्रपतिबाट पो गराइदिए।

राष्ट्रपतिले पनि आफू राष्ट्रपति निर्वाचित भइसकेपछि पहिलो पोखरा भ्रमणका लागि साइत नै पूर्व राजा ज्ञानेन्द्रका भिनाजुको शालिक अनावरण गर्ने कार्यक्रममा जुराइन्।

खासमा मृत्युको १४ वर्षपछि शालिक बनाएर अन्तर्राष्ट्रिय पर्वतीय संग्रहालयमा राख्न पर्नुको कारण चैँ राससको समाचार अनुसार उनले ‘नेपालको पर्वतीय पर्यटनमा विशिष्ट योगदान गरेको’ले रे। कस्तो १४ वर्षपछि बल्ल योगदान देखेको त नि।

कुमार खड्गविक्रम शाह राजा महेन्द्रकी छोरी शारदाका पति थिए। शारदा पूर्व राजा ज्ञानेन्द्रकी दिदी हुन्।

कुमार खड्ग र शारदा दुवैको मृत्यु दरबार हत्याकान्डमा भएको थियो। हत्याकान्डबारे छानबिन गर्न ज्ञानेन्द्रले बनाएको उच्चस्तरीय समितिलाई बयान दिँदै पारसले राजा वीरेन्द्रपछि पहिलो गोली खड्गलाई हानेको बताएका थिए।

यस्तो थियो पारसको बयान-

समितिः समयको त्यस्तो कुनै ग्याप लामो ग्याप त हैन ?
जवाफः छैन, एक मिनेट पनि छैन, ३० सेकेण्ड होला म्याक्सिमम्, म्याक्सिमम् भए ३० सेकेण्ड, भित्र बाहिर भित्र वाहिर गरिबक्स्यो । सवारी भयो ठूलो चाही बन्दुक एम १६ एम १६ ले पहिले नै ठूलो बुबा (राजा वीरेन्द्र) को माथमा हानिबक्स्यो, सट त्यस पछि यता सवारी भयो, खड्ग फुपाजु ढलिबक्स्यो, कुमार खड्ग त्यो वारको ठ्याक्कै तल ढलिबक्स्यो ।

…………. हजुर, उतापट्टी गोरख, ठूलो बुबा बीचमा स्नुकर बोर्डको तल गोरख ढलिराखेको थियो, …… श्रुति, त्यसपछि श्रुति मैले आएको देखिन, गोरखलाई गएर बाबा तिमीलाई पनि लाग्यो भनेको देखें । त्यो गएको बेलामा उताबाट फर्कि बस्क्यो, युवराजाधिराज सवारी भयो, यतापट्टी ढली राखेको थियो हजुर, पहिला कुमार खड्ग ढलेकोमा अधिराजकुमारी शारदा सवारी भो । तिमिलाई के भयो तिमीलाई के भयो भनेर सवारी भई माथि पट्टी सुतिबक्स्यो, खड्ग फुपाज्यूको माथि ढलेर कवर गरिबक्स्यो । युवराजधिराज सवारी भयो ड्याङ्ग ड्याङ्ग point blank ड्याङ्ग ड्याङ्ग ड्याङ्ग यस्तो घारीबाट देखेको त्यही देखेको । त्यो भएको म यताको कुनाको मेचमा त्यो वारको मूनिबाट त्यो चाही राम्रो सँग देखेको हो मैले । ड्याङ्ग हानी बक्स्यो । त्यो गोली आएर यतापट्टी कार्पेटमा लागेछ । पारसको पूरा बयान यहाँ पढ्नुस्

प्रतिवेदन अनुसार उनको मृत्यु यस्तो थियो-