हङकङको फोटो कसरी मलेसियाको भयो?

एउटा देशको फोटो अर्कै देशको भनी छाप्न मिल्छ? त्यो पनि नजिकैको छिमेकी देश होइन धेरै परको देश।

कान्तिपुरमा भर्खरै यस्तै फोटो देखियो। फोटोको क्याप्सनमा लेखिएको छ- ‘मलेसियामा अलपत्र नेपाली कामदार । फाइल तस्बिर : एजेन्सी’

तर यो मलेसियाको फोटो हैन हङकङको फोटो हो।

मलाई जानकारी भएसम्म यो हङकङको एचएसबिसी हेडक्वार्टरको बिल्डिङ हो। त्यहाँ देखिने सबै महिलाहरु पनि अलपत्र नेपाली कामदार नभएर फिलिपिन्सका घरेलु कामदारहरु हुन् र आइतबारे विदा मनाइरहेका हुन्।

एपीका किन चेयुङले खिचेको फोटो हो यो। यही फोटो बेलायती अनलाइन दि गार्डियनमा २६ फेब्रुअरी २०१४ मा पनि प्रकाशित भएको छ।