धेरै वर्ष भयो स्वयम्भूको डाँडाबाट लक्ष्मीपूजाको दिन कस्तो देखिन्छ काठमाडौँ भनेर हेरेको। एङ्गल चेन्ज गरेर रामकोटको डाँडाबाट पनि हेरियो। यो वर्ष भने काठमाडौँ खाल्डो हेर्न त्योभन्दा निकै पर चन्द्रागिरीको डाँडोतर्फ लागियो। चन्द्रागिरी अर्थात् काठमाडौँ र मकवानपुर जिल्लाको सीमाना छुट्याउने पहाड। अनि यो त्यही डाँडा हो जहाँबाट मकवानपुर हुँदै नुवाकोट जान लागेका पृथ्वीनारायण शाहले काठमाडौँ ललितपुर र भक्तपुर खाल्डो देखेर यहाँको राजा हुन पाए हुन्थ्यो भनी कल्पना गरेका थिए। त्यही चन्द्रागिरीको डाँडाबाट लक्ष्मीपूजाको दिन काठमाडौँ खाल्डो यस्तो देखियो।
यो त्यही बाटो हो जहाँ मान्छेले बोकेर राणा प्रधानमन्त्रीका लागि गाडी ल्याइएको थियो। ई.सं. १९०६ मा जंगबहादुर राणा युरोप यात्रामा निस्कँदा पनि यही बाटो भएर गएका थिए। जंगबहादुरले कुलेखानीदेखि भीमफेदीसम्मको बाटो बनाइदिएकाले सो बाटोको नामै जंगबहादुरको बाटो पनि भनिन्छ। यहाँ अहिले केबल कार र रिसोर्ट अनि मन्दिर धमाधम बन्दैछ। त्यही निर्माणाधीन केबल कारको स्टेसन वरपरबाट यी फोटो खिचिएका हुन्।
माथिका फोटो बिना ट्राइपड खिचिएका हुन्। ट्राइपडसहित अंगद ढकालले खिचेको एउटा फोटो तल छ। थप फोटो यहाँ क्लिक गरी हेर्न सकिन्छ।
