भारतले गरेको अघोषित नाकाबन्दीबाट आक्रोशित नेपालीहरुले घोषित रुपमा नाकाबन्दीको जवाफ हिन्दी च्यानलहरुलाई रोकेर गर्ने भएका छन्। विप्लव माओवादीले हिन्दी च्यानल बन्द गर्ने घोषणा गरेपछि उनीहरुकै दबाबलाई समेत आधार मानेर नेपाल भरका केबल अपरेटरहरुको संस्थाले सोमबार बिहान १० बजेदेखि हिन्दी च्यानल बन्द गर्ने भएका छन्।
नेपाल केबल टिभी एसोसिएसनका अध्यक्ष सुशील पराजुलीका अनुसार सोमबारको बैठकले यस्तो निर्णय गर्नुअघि नै चितवनमा हिन्दी च्यानल बन्द भइसकेको थियो। त्यसैगरी पोखरा र महेन्द्रनगरका केबल अपरेटरहरुले पनि हिन्दी च्यानल ब्लक गरिसकेका थिए।
यसअघि नेपाली सीमामा प्रवेश गर्न भारतीय पत्रकारहरुलाई रोकिएको समाचार आएको थियो।
अब हिन्दी च्यानल र सिरियल त रोकिने भएका छन्। के पहिले जस्तै पाकिस्तानी सिरियलले बजार पिट्ला त? भन्न सकिन्न।
नाकाबन्दी लागेदेखि हलहरुमा नयाँ हिन्दी फिल्म पनि लागेको छैन।
11 thoughts on “नेपालको अर्को नाकाबन्दी : हिन्दी च्यानल बन्द”