गएको साता बुधबार सात प्रदेशको कुरा आएपछि प्रधानमन्त्री रिसाएर उठेर हिँडे। बिहीबार बैठकमै आएनन्। कांग्रेसका अरु नेताहरुले फकाएपछि शुक्रबार सात प्रदेशमा सहमति भयो। प्रमुख चार दलमध्ये एक फोरम लोकतान्त्रिकका विजयकुमार गच्छदार मानेनन्। उनले चार दलसँग नबसी आन्दोलनमा जाने बताए। आइतबारको संविधानसभाको बैठक पनि बहिस्कार गरे। शुक्रबारै गच्छदारको पत्रकार सम्मेलन भएको थियो। जसमा बाँडिएको प्रेस विज्ञप्ति गजबको थियो। त्यसमा अरु सबै चिज टाइप गरिएका थिए। प्रदेशको संख्या भने खाली राखिएको थियो। दुई ठाउँमा प्रदेशको संख्या भनी खाली राखिएको ठाउँमा हातैले ‘सात प्रदेश’ भनी लेखिएको थियो। अरु खाली ठाउँ भने भर्न बिर्सिएको थियो। विज्ञप्तिसमेत प्रदेशको संख्या खाली राख्नुपर्ने गरी बनाउनु पर्ने भएपछि बुझ्नुस् न प्रदेशको संख्या कति हचुवा पाराले डिजाइन हुँदै रहेछ। हेर्नुस् विज्ञप्ति।
पूरा विज्ञप्ति हेर्नुस्-
