एक जमाना थियो जब कुटपिटको समाचार आउँदा कुट्ने माओवादी हुन्थ्यो, कुटाइ खाने अर्कै। अहिले समय परिवर्तन भएर कुटाइ खाने माओवादी हुन थालेछ। त्यो पनि राहत वितरणमा भएको भ्रष्टाचारसम्बन्धी पत्रकार सम्मेलनमा प्रश्न सोध्यो भनेर।
कुरा के हो? हेर्नुस् यो कुरा सुरुदेखि नै जञ्जालमय छ। नेपाल इन्भेस्टमेन्ट बैँकले राहतको जस्तापाता अर्थमन्त्रीमार्फत् वितरण गर्न खोजेछ। त्यही जस्तापाता बजारमा बेच्न खोजेको आरोप लाग्यो अर्थमन्त्री रामशरण महतका पिए रमेश महतमाथि। यो समाचारलाई खण्डन गर्न आयोजना भएको थियो पत्रकार सम्मेलनमा।
भूकम्पका कारण ऋषि धमलाको पत्रकार सम्मेलन गर्ने रिपोर्टस क्लबको अस्थायी कार्यालय भृकुटी मण्डपमा सरेको छ। त्यहीँ कार्यक्रम हुँदै थियो। महतले स्पष्टिकरण पढी सुनाए। त्यसपछि प्रश्न गर्ने पालोआयो। प्रश्न सोधे कृष्ण बोहराले- स्कूललाई वितरण गर्न ल्याएको भए किन जस्ता फिर्ता लान लागेको? उनले एक