भूकम्प आउँदाआउँदैको केही भिडियो

वैशाख १२ गतेको विनाशकारी भूकम्पका बीच खिचिएका केही भिडियो सार्वजनिक हुने क्रम जारी छ। यस्तो डरलाग्दो भूकम्प आउँदा पनि कसैले यसलाई क्यामेरामा कैद गर्ने आँट गर्न सके।

भिडियोका दृश्य आङ नै सिरिङ बनाउने खालका छन्। हेरौँ केही भिडियो।

यो काठमाडौँको डिल्लीबजार कालिकास्थानमा रहेको सिल्भर सिटी अपार्टमेन्टको दृश्य हो। भूकम्प आउँदा यो भवनको बीच भाग चिरिँदै गएको देखिन्छ। चिरिएर कहिले ठूलो प्वाल देखिने फेरि मिल्ने फेरि देखिने भएको छ। नजिकै बस्ने विनोद मित्तलले यो खिचेका हुन्।

काठमाडौँको ठमेलस्थित होटल शक्तिको सिसिटिभी क्यामेरामा कैद भएको यो दृश्यमा एउटा भवन गर्लम्मै ढलेको देखिन्छ।

दोस्रो ठूलो भूकम्पको केन्द्र रहेको सिन्धुपाल्चोकको दृश्य झन् कम्ता डरलाग्दो छैन। हेर्नुस् एक प्रत्यक्षदर्शीले खिचेको यो भिडियो जसमा उनी भन्छन्, सबै ठाउँमा गयो, संसार डुबायो।

सिन्धुपाल्चोकका अरु केही भिडियो-

यसमा भूइँचालोले पहिरो गएको डरलाग्दो दृश्य कैद भएको छ।