अमेरिकी भूगर्भ केन्द्र USGS ले नेपालको भूकम्पबारे निरन्तर प्राविधिक विश्लेषण गरिरहेको छ। कृपया ध्यान दिनुस् कि भूकम्प यति बेला आउँछ भनेर पत्ता लगाउने अहिलेसम्म कुनै उपाय छैन। USGS ले पनि तथ्याङ्कहरु विश्लेषण गरेर अनुमान मात्रै गरेको हो। यस अनुसार अब डराउनु पर्ने स्थिति लगभग कम हुँदै गएको छ।
भूकम्पको एक सातासम्म आएका पराकम्पहरुको विश्लेषणपछि मे ८ मा जारी गरिएको विश्लेषण अनुसार अबको एक साता अर्थात् मे १४ सम्म ५ देखि ६ म्याग्निच्युडका भूकम्प नआउने संभावना ६३% छ। आइहाले पनि अनुमान २ वटा आउने भन्ने छ। त्यसमध्ये एउटा दोलखा सिन्धुपाल्चोक केन्द्र बनाएर ८ मेको बिहान ६ बजेर १७ मिनेटमा ५ म्याग्निच्युडको आइसकेको छ।
पाँच भन्दा सानाका झिनामसिना पराकम्पहरुले खासै केही असर पार्दैन।
यो एक साताको अवधिमा ६ देखि ७ म्याग्निच्युडको एउटा भूकम्प नजाने संभावना ९५ प्रतिशत छ। त्यो भन्दा ठूलो स्तरको भूकम्प जाने संभावना त झन् नगण्य नै छ।
साइन्स म्यागेजिनमा १९८९ मा छापिएको रिजेनवर्ग र जोन्सको विधि अनुसार यी गणना गरिएका ह