नेपालमा पेशाकर्मीहरुको श्रीमती संगठन भन्ने बित्तिकै प्रहरी र सेना सम्झनामा आइहाल्छ। यी संगठनहरु पनि पहिले साह्रै भेदभाव गर्थे। अधिकृतहरुकी श्रीमती मात्र श्रीमती। अरुको त वास्तै छैन। संगठनको नाममै अधिकृत श्रीमती संघ हुन्थ्यो। २०६२/६३ को आन्दोलनपछि अधिकृत भन्ने शब्द त हटाइयो तर यसको नेतृत्वमा अधिकृतबाहेकका अरुका श्रीमतीको पहुँच शायदै होला। प्रहरी र सेनाबाहेक अरु कुन पेशाकर्मीको श्रीमतीको संगठन होला भन्ने जिज्ञासा लागिरहन्थ्यो। डाक्टरको होला? पत्रकारको होला? इन्जिनियरको होला? रहेछ। इन्जिनियरको भने रहेछ। इन्जिनियर श्रीमती संगठनको त कार्यालय नै थियो जमलमा।
तर अहिले यो कार्यालय यहाँ छैन। कहाँ छ थाहा छैन। छ कि छैन पनि थाहा छैन। यसका कुनै गतिविधि पनि यो कार्यालय यहाँ हुँदै पनि सबैले थाहा पाउने गरी सार्वज