मायालु युवतीसित गफ गर्नुस् भन्दै तपाईँलाई एसएमएस पठाउनेको धन्दा खासमा यस्तो रैछ

“002431330218 मायालु युवतीहरुसँग गफ गर्न चाहनुहुन्छ?”
“आफ्नो प्रेमलाई भेट्न चाहनु हुन्छ ? अहिले फोन गर्नुहोस्”
“साँचो मित्रताले तपाईंलाई पर्खिरहेको छ!”
“आफ्नो बाँकी मनलाई भेट्नुहोस्।”
“अरुहरुलाई तपाईंसँग भेट्ने एक मौका दिनुहोस्!

+24343381399, 2431330932 वा यस्तै नम्बर हरु को बारेमा मैले गरेको सोधिखोजीबाट प्राप्त नतिजा तपाईँहरुलाई पनि उपयोगी हुने ठान्दै बाँड्दैछु-

यस्ता मेसेज कहाँबाट आउँछन्?
यो मेसेज अफ्रिकन मुलुक कोङोबाट आउँदैछ। मुख्य शहरको नाम किन्शासा र कसाइ ओरिएन्टल हो।

यो कस्तो प्रकारको नम्बर हो?
यस्तो नम्बरलाई स्क्याम नम्बर भन्छन्। यस्लाई स्क्याम प्रिमियम रेट नम्बर पनि भनिन्छ। स्क्याम भनेको ठग्नु हो।

फोन गर्नुस् भनेर किन भनेको?
तपाईंले यो नम्बरमा फोन गरेपछि रु ६० देखि रु ३०० प्रति मिनेटसम्म शुल्क तिर्नु पर्ने हुन्छ। तपाईंले तिर्नु भएको यही रकमबाट केही रकम यो मेसेज पठाउनेले प्राप्त गर्दछन्। तपाईंलाई फोनमा धेरै भन्दा धेरै समय टिकाउन तपाईंलाई होल्डमा राख्ने, युवतीसँग गफ गराउने गर्दछन्।

के म यस्ता मेसेजहरुलाई रोक्न/बन्द गर्न सक्छु?
सक्नुहुन्छ। यदि तपाईं स्मार्टफोन, एन्ड्रोइड, आइफोन प्रयोगकर्ता हुनुहुन्छ भने तपाईंले एसएमएस ब्लक गर्ने सफ्टवेयर डाउनलोड गरी यस्ता मेसेज हरुलाई ब्लक गर्न सक्नुहुन्छ।

उनीहरुले नेपालीमा कसरी पठाउँछन् त ?
अहिलेको युगमा कुनै पनि भाषा लेख्न गाह्रो छैन। इन्टरनेटमा पाइने भाषा अनुवाद गर्ने सफ्टवेयरले यो सबै सम्भव छ।