नेपालीहरु अनलाइन भोटिङमा निकै अगाडि छन्। अरु कुरामा पछाडि भए पनि अनलाइन भोटमा कसैलाई जिताउनु पर्यो भने त हुरुरु नै ओइरिन्छन्। ठीकै पनि हो। अनलाइन भोट गरेरै दुई वटा सिएनएन हिरो नेपालीले जितिसके। अरु थुप्रै पुरस्कार पनि जितिसके। कुनै नेपालीले क्लिक गरेको भरमा अर्को नेपालीले केही जित्छ भने जिताइदिउँ न त। अरुलाई पो फूर्सद हुन्न। हामीसित त टन्नै फूर्सद छ।
अहिले फेसबुकतिर भाइरल भइरहेको छ अस्कर र ‘झोला’ फिल्मलाई अनलाइन भोट। झोला कथाका लेखक कृष्ण धरावासीदेखि पत्रकार, चिनेजानेका मानिस, सर्वसाधारणहरु यो लिङ्क सेयर गरिरहेका छन्।