एमाले अध्यक्ष केपी ओलीले उद्योग मन्त्री महेश बस्नेतलाई भगवान श्रीकृष्णसँग पो तुलना गरेका छन्। गजब लाग्यो उहाँको तुलना देखेर। महेश बस्नेतले युथ फोर्स अध्यक्ष हुँदा अनेक लिला देखाएकै हुन्। माओवादीलाई कंस मान्ने हो भने उनीहरुका वाइसिएल सेनालाई आच्छु आच्छु पारेकै हुन्। बरु यो हिसाबले ओली ज्यु चाहिँ के पर्नु भयो कुन्नि। वासुदेव? होइन होइन। वासुदेव त कृष्णको साँच्चिकैका पिता पो त। कृष्णलाई हुर्काउने त नन्द पो त। भनेपछि ओली नन्द? झलनाथ खनाललाई के भन्ने, माधव नेपाललाई के भन्ने हो कुन्नि।
खासमा महेश बस्नेत पहिले झलनाथ कै मान्छे थिए। युवा संघको लहानमा भएको सम्मेलनमा उपाध्यक्ष देऊ न भनेर माग्दा झलनाथवालाले तेरो हैसियत छैन उपाध्यक्ष बन्ने भने पछि रिसाएर त्यसो भए अध्यक्ष उठ्छु भन्दै ओली क्याम्पमा