अहिले नेपालमा ठ्याक्कै कति बज्यो होला ?
यसपालि एउटा घडी किनियो । घडीको समय चलनचल्ति अनुसार पसलमा भएको भित्ते घडि हेरेर पसलवालाले मिलाई दियो। घडी लिएर म घर पुगें। ल्यापटप, डेस्कटप, भित्तेघडी, नाडिघडी गरेर समयको जानकारी दिने जम्माजम्मि १२ वटा भाँडाहरु घरमा रहेछन्। तर बिडम्वना, कुनै पनि घडीहरुले दिने समय एउटै थिएन। कुनैमा सकेण्डको अन्तर त कुनैमा मिनेटको अन्तर। कम्तिमा नयाँ घडीमा नेपालको सही समय राख्नु पर्यो भन्ने ठानेर म आफ्नो घडी लिएर सही समय मिलाउन बसें।
अब म अन्यौलमा परें, नेपालमा सही समयको जानकारी दिने निकाय कुन होला ? म रेडियो नेपालले दिने समाचार कुरेर बसें। हाम्रो स्टुडियोको घडीमा अहिले ठ्याक्क बेलुकाको ७ बज्यो भने पछि मैले मेरो घडी मिलाएँ। त्यसपछि विभिन्न एफएम स्टेसनहरुसँग समय मिलान गर्न थालें। कुनै पनि एफएम स्टेसनहरुले दिने समयमा एकरुपता थिएन।
कार्यालयतिर साथीभाइहरुको घडी पनि रुजु गरेँ, कसैको समयमा एकरुपता थिएन। मलाई मेरो घडिको समयमा यकिन भएन।
फेरि बीबीसीमा हरेक समाचारहरुको अगाडि बजाइने टिक, टिक, टिक, अनुसार समय मिलाएँ। अझै चित्त नबुझेर इन्टरनेटमा खोज्न थालें। एउटा time.is भन्ने website रहेछ। त्यसले प्रयोगकर्ताको computer मा भएको समय