मनोजेन्द्र मोदीको चर्तिकला

दायाँ छेउमा फोटो कसको देख्नुभयो ?

नरेन्द्र मोदी ?

भारतीय प्रधानमन्त्री नरेन्द्र मोदी ??

हैन, उनी त मनोजेन्द्र मोदी हुन्। क्यारिकेचर गर्न खप्पिस मनोज गजुरेल यसपालिको गाइजात्रामा दुई अवतारमा भेटिए- वामदेव गौतम र नरेन्द्र मोदी। मोदीको क्यारिकेचरले सबैको ध्यान तानेको थियो।

मोदीले संसदमा गरेको भाषणको नक्कल गर्दै उनले दर्शकलाई धेरै हँसाउँछन्।

२०६२/६३ को जनआन्दोलन ताका राजा ज्ञानेन्द्र अनि त्यसपछि प्रचण्डको दुरुस्तै नक्कल गरेका गजुरेलले यसपालि पनि दर्शक दीर्घाबाट हिँड्दै मञ्चमा जाने शैलि अपनाएका छन्। सुरुमा उनले मोदीले जस्तै नेपाली भाषामा सम्बोधन गर्छन्। त्यसपछि हिन्दीमा। छोटो अडियो क्लिप्स सुन्नुस्-

मोदीको भाषणको चर्चित लाइन थियो- पानी और जवानी पहाडके काम नहीँ आती। यसमा उनले नानीसमेत थपेर पानी, नानी र जवानी बनाएका छन्। छोटो अडियो क्लिप्स सुन्नुस्-

सम्बोधनका केही प्रमुख बुँदा
१) नेपाल और हिन्दुस्तानकी मित्रता सोनियाजीकी सारी और शुशिलजीकी दारी से भि पुराना है ।

२) हिन्दुस्तान नेपालके साथ कन्धे पे कन्धा मिलाकर चलना चाहता है, लेकिन यहांके नेता हमारे पैरपे कन्धा मिलाना खोजते है ।

३) पानीको दिल्लीकी तरफ, नानीको बम्बईकी तरफ और जवानीको खाडी तरफ लखेटनाले नेपालकी दुर्भाग्य शुरु हुइ है ।

४) दुनियांकी नजर नेपाली जनताकी तरफ है, लेकिन नेपालके नेताकी नजर दश हजार करोड पर है ।

५) जिस दिन नेपाल एयर लाइन्सका कार्गो बिमान नेपाली कामदारकी बजाय नेपालके आलु, प्याज, दुध, हिमालयके मिनेरल वाटर लेकर खाडी मुलुकमें ल्याण्ड करेगी, उसी दिन यह बुद्धभुमी, स्वर्ग बनजायगा ।

प्रहसनमा नेपाली नेता बनेकाहरु- झुसिल कोइराला, ओली, बाबुराम, कमल थापा र मधेसी नेता।

हिन्दुस्तान र नेपालको समानताबारे उनी यसरी बताउँछन्- हिन्दुस्तानमा चिया बेच्ने प्रधानमन्त्री भयो, नेपालमा भैँसी चराउने। छोटो अडियो क्लिप्स सुन्नुस्-

गाइजात्रे कार्यक्रम शनिबारसम्म प्रज्ञा प्रतिष्ठान, कमलादीमा हुँदैछ।