बलले जाली नचुमी गोल भएको अनि गोलकिपरले आफ्नै पोस्टमा गोल गरेको देख्नुभएको छ? हेर्नुस्

गोललाइन टेक्नोलोजीको पहिलो उपयोग

सामान्यतया फुटबलमा बलले पोस्टको जाली चुम्यो भने गोल भएको बुझिन्छ। तर वास्तवमा त्यो होइन। बल गोललाइनबाट कटेपछि चाहिँ गोल हुने हो। तर फुटबल जस्तो फास्ट गेममा रेफ्री वा सहायक रेफ्रीहरुले बलले लाइन काट्यो कि काटेन भनेर निश्चित गर्न गाह्रो भइरहेको हुन्छ। इतिहासमा धेरै वटा यस्तो विवादास्पद गोल भएका छन् विश्वकपमा। यस पटक भने फिफाले गोललाइन प्रविधि ल्याएको छ, जसबाट गोल भएको हो कि होइन प्रविधिले बताइदिन्छ। आनन्द। विवादै गर्नुपरेन। आज बिहान भएको फ्रान्स र होन्डुरसबीचको खेलमा यस्तै गोल भयो।

खेलको ४८ औँ मिनेट चलिरहेको थियो। करिम बेन्जेमाले ४५ औँ मिनेटमा पेनाल्टीबाट गरेको एक गोलले फ्रान्स १-० को स्थितिमा थियो। बेन्जेमाले ४८ औँ मिनेटमा हानेको बल गोलकिपरको दायाँ छेउको पोलमा ठोक्किएर फर्किँदै किपरकै हातमा लाग्यो र उनले त्यो बल जाली नचुम्दै बाहिर फ्याले।

अरु बेला भएको भए नतिजा के हुन्थ्यो भन्न सकिन्न थियो। अहिले त गोललाइन प्रविधि छ। हेर्दा लाइन क्रस गरेको रहेछ र गोल भयो। अनि लास्टमा बल गोलकिपरको हातमा ठोक्किएकोले त्यो गोल आत्मघाती गोलको नाममा गोलकिपर Noel Valladares कै नाममा दर्ता हुने भयो।

भिडियो हेर्नुस्-

कसरी थाहा हुन्छ त गोल हो कि होइन भनेर ?

इतिहासका विवादास्पद गोल। सन् १९६६ को Geoff Hurst को गोल

सन् २०१० मा चाहिँ बेलायतले मार खायो। जर्मनीविरुद्धको खेलमा फ्र्याङ्क लाम्पार्डले गरेको गोललाई वैधता दिइएन।

गोललाइन प्रविधिसँगै अब यस्ता विवाद नहोला।