एउटा इन्टरनेटको अपराध

काम गर्दै थिएँ, फोन बज्यो। एक जना भाइले भने, ‘दाइ काता हो ? झट्ट यता आउनुस न काम छ’। मन हल्का अतालियो। उसले पहिला पनि यसरी नै फोन गरेको थियो। नमिठो समाचार सुन्नु परेको थियो। मन डरायो, फेरी के भो होला ? काम छोडेर फ्याट्ट हिड्न मिलेन। तर काम सकेर सिधै उसको कोठामा गएँ। बिचमा उस्को ३ कल पनि मिस भएको रहेछ ।

उस्कोमा जाँदा उ अतालियेर रातो पिरो भएको पाएँ। उस्ले मलाई छुट्टै भेट्यो। ‘दाइ बर्बाद भयो। मेरो इज्जत सबै गुम्ने भो। म बदनाम हुने भएँ’। म उस्को यस्तो अवस्ता देखेर दंग्ग परे। बुझ्नै सकिन आखिर उ यसो किन भन्दै छ। वर्ष दिन भन्दा बढीको प्रेम पछि भक्खरै बेहे गरेको चट्ट परेको मान्छे। न रक्शि, न चुरोट, न यता उता लप्पन छप्पन। उसले त्यति भन्दा मेरो मनमा चिसो पस्यो। मैले भने, ‘कुरा के हो त भन।’

उस्लाई भेटेको केही दिनमा उस्ले आफ्नो जीवनको धेरै कुरा मलाई सुनाई सकेको थ्यो। परदेशको बसाईका अनेक भोगाई र सफलताका कथाहरु। अंग्रेजी पढ्ने चाहना र पढ्न नपाएको गुनासो। सारा इन्टरनेटमा अंग्रेजी सामग्री छन् र त्यो पढ्न हेर्न र बुझ्न रहर गर्थ्यो उ। तर बिना अंग्रेजी भाषाको ज्ञानमा इन्टरनेट यात्रा गर्न त कमै सम्भव छ नि। अनि म सोच्थे, ‘त्यसैले होला कि धेरै नेपालीहरु facebook मा मात्रै सिमित रहेका ! ‘ ‘खोइ के थाहा।’

‘उस्तै उस्तै साथी बनाउन मिल्ने, च्याटमा हल्का फुल्का अंग्रेजी हालेर गफ गर्ने वा status लेख्ने, यस्तै गर्दा गर्दै facebook बाट नै पनि त धेरै नै अंग्रेजी सिक्न सकिन्छ नि’, उस्ले एक दिन भन्यो। मैले भने, ‘अभ्यस्त हुंदै गए अनेक सब्दको जानकार पक्कै भइएला।’ उस्ले आफ्नो मोबाइल म तिर फर्काउदै भन्यो, ‘यि हेर्नुस त मसंग त बिदेसी साथीहरु पनि छन्। म त यिनीहरुसंग बेला बेला गफ गर्छु अंग्रेजीमा। हो यस्ले त मलाई फोटो नि पठाकी छ।’ एउटालाई उसैले पहिला साथी बनाएको रे अनि अर्कीले चाहिं उसलाई पहिला साथीमा add गरेको रे। म छक्क परें। बिदेसी केटीहरुलाई किन साथीको खाँचो परेछ र नेपाली खोजी गर्दै बसेछन्। कतै spam त होइन? कुनै धोका गर्न बनाइएको केटीको profile ! मलाई त कुनै पनि केटीले facebook मा अनेक केटालाई साथी बनाउदै बहुलट्ठी र अन्तरंगका कुरा गरी बस्दैनन् जस्तो लाग्ने फेरी। त्यस्ता सबै राम्रा केटीका फोटो राखेर बनाएका profile वा केटीका नाममा गफिने सबै धोखा जस्तो लाग्ने। मैले उसलाई तुरुन्तै सजग गराई हालें। ‘यस्ताहरुले बिस्तारै बिस्तारै पैसा मग्न सुरु गर्छन।’ उ हाँस्यो र भन्यो, ‘म कहाँ लाटो छु र पैसा मागे त unfreind हो direct ।’ एउटी अफ़्रिकन्ले उसंग सार्है दुख भो अलिकिती पैसा सहयोग गर भन्न भ्याई सकेकी रहिछ। अनि उसले पनि unfreind गरिदिएको रहेछ।

मलाई त थाहा पनि थिएन facebook मा बिदेसी साथीहरु बनाएर मज्जाले कुरामा रमाउन पनि सकिँदो रहेछ। अंग्रेजी नबोल्ने देसका साथीहरु बनाउने र अंग्रेजी मै कुरा गर्ने। एक जना मित्रले South America कि केटि साथी बनाएका रहेछन्। गरीब घरकी केटी अत्यन्तै सुन्दर रहिछिन् । गूगल translate को सहारा लिएर अंग्रेजीलाई स्पन्यानिसमा बुझेर फेरी अंग्रेजी मै जवाफ फर्काउने रहेछन्।

केटाहरुको friend list मा सुन्दर किटीका फोटो profile भएको त धेरै देखेको थिएँ। मलाई लाग्थ्यो उनीहरु धेरै बदमास केटाहरुसंग गफ गर्दै छन् वा त्यस्तै छदम किटीहरुसंग। आफुलाई कता कता ईर्ष्या पनि लाग्ने फेरी। झन् यि बिदेसी केटीका रहस्य के हुन् मैले बुझ्न सकेको थिईन। त्यस्ता राम्रा केटीहरुसंग अन्तरंगका बात कस्लाई गर्न मन नलाग्ला र? बोल्न त के महिला देख्न सम्म नपाइने मुलुकमा ?

बिदाको एक दिन भाई कोठामै रहेछ र एक्लो पनि। एक बिदेसी साथीले तिमी कहाँ छौ भनेर सोधिछ। उसले म कोठामा छु भनेछ। त्यो विदेशी साथीले भनिछ, ‘आउ आज skype मा गफ गरौ। तिमीलाई म surprise पनि दिन्छु। तिम्रो र मेरो मित्रता धेरै गाढा भैंसक्यो’। काट्न रोजेको बोका हरियो घाँसको मुठो देखेर अघि बढी पनि हाल्यो। skype जोडिएको मात्रै के थियो अघि पुरै नग्न बसेकी सुन्दर केटी। यस्तो देखेर शारीरमा हतासोको रगत नदौडने पुरुस कमै होलान्। उस्ले महिनौको गफ पछि मित्रलाई skype द्वारा यौनको खेलको खुला चुनौती दिएकी थिई र उ यौनको ज्वालामा पहिलै गलित भएर नग्न हुँदै मित्रलाई अनेक हाउ भाउ गर्दै खुला निमन्त्रन गर्दै थिई। त्यो भाईलाई यो देखेर अचम्म, अफटेरो, असहजता, असमझाता, रोमनचता अनेक भावना एकै चोटी आएछ। एस्तो बम्पर उपहार परेपछि कसको मगज ठेगानमा रहला र? उसले skype को सुन्दर अनि नग्न युवतीले जे भनि उ हिच्किचाउदै त्यसै गर्दै गएछ। अन्त्यमा पुरै नग्न भएर पुरा होस हवासमा रंगिन पलको पूर्ण अनुभति गर्दै उनिहरुले आपसमा आफ्ना औजारहरुको खुला प्रयोग गरेछन्। हुनु पनि बन्द कोठामा एक्लै गरेको बदनामीले कसैलाई अफ्टेरो किन हुनु पर्ला र ? न रह्यो बाँस न बज्यो बाँसुरी ! साञ्चै ?

त्यो केटीसंग उसको आउने महिनौ सम्म मित्रता कायम नै रह्यो। मलाई फोन गर्नु एक दिन अघि फेरी त्यो केटीले उसलाई skype मा कुरा गर्नु छ आउ भनिछ। उसले आफु विवाहित भैं सकेको र त्यस्तो कार्य अब नगर्ने कुरा बताएछ। तर त्यो केटीले त्यस्तो कुरा नगर्ने तर जरुरि कुरा भन्ने भनेर skype मा बोलाइछ। अनि सुरु भएछ सयाद कहिले अन्त्य नहुने पश्च्यातापको सुरुवात।

त्यो बिदेसी केटीले महिनौ पहिले skype मा भेटेर अन्तरंगमा रमेको भाइको नग्न video बनाएकी रहिछ। उस्ले भाइको मात्र सम्पूर्ण संबाद र दृश्य देखाईछ र बडो बदनिमी पूर्ण तरिकाले गाली गर्दै उसलाइ २०० डलरको खाँचो रहेको र त्यो video delete गर्नु छ भने western union money transfer बाट यति no खातामा पैसो हाल्दे भनिछ। र त्यसो गर्न असमर्थ रहेको खण्डमा त्यो विडियो उसको सम्पूर्ण साथीहरुलाई र आफन्तहरुलाई पठाई दिने र youtube मा हालिदिने भनेर धम्काइछ । यो पालि पनि पहिले त्यो केटीलाई skype मा नग्न भेट्दा झैं भाइको होस् पक्कै उडेको थियो तर फरक तरिकाले।

मैले भाइलाई भेट्दा उसको skype को घन्टी तारन तार बजेको थ्यो ऱ उ त्यसलाई mute गर्थ्यो। facebook का message का सुसेलीहरु बजेको बज्यै थ्यो। त्यो केटीले गए रातबाट उसलाई लगातार धम्काई रहेकी रहिछ। भाइले ‘त्यो video कतै नपठाउनु म पैसा खोजेर तेरो खातामा हल्दिनछु’ भनेका रहेछन्। त्यो केटी बाटोमा कहाँ पुगिस देखा, पैसो देखा, western union money transfer को ढोका देखा, मेरो फोन उठाउने कि तेरो मिल्ने साथीलाई यो video पठाउ भन्दि रहिछ। प्रत्यक नयाँ घन्टी र नयाँ message मा भाइ रातो र हतास देखिन्थ्यो।

मैले तुरन्तै यो कुरा उसको श्रीमतीलाई नडराई भन्न सुझएं। यो कुरा पक्कै लाजमर्दो थियो तर उपाय पनि त थिएन।घटनाको प्रकृति ठ्याक्कै २ महिना पहिले हेरेको Singapur को crime petrol को youtube video जस्तै थियो। त्यो भाइले कुरा गरेको केटीको बनोट mongolian थियो र उस्को अंग्रेजी लेखाइ कम्जोर थियो। म इन्टरनेटमा गएर त्यो खाताको IP address र अनेक जानकारीहरु कसरि संकलन गर्न सकिन्छ भन्ने तिर लागें। IP address अमेरिकाको सियाटल भन्ने राज्यमा देखायो। अपराधीहरुले software को प्रयोग गरी स्थान लुकाएको हुन सक्ने भान भो तर अमिरकाबाट यस्तै कार्य हुन नसक्ने भन्ने चाहीं होइन।

अब के गर्ने भन्ने कुरा आयो। विभिन्न कारणले र कानुनले यहाँको पुलिसकोमा जाउँ भने आफैले पहिले सास्थि खानु पर्ने वा उस्तै परे जागिर नै जाने हुनाले त्यता लाग्न नसिकिने अवस्ता आयो। आखिर हामी तल्लो बर्गको काम गर्नैको लागी येहाँ आएका हौँ र हामीलाई येहाँ कस्तो व्यवहारहुन्छ सबैलाई थाहा नै छ। त्यो केटीले भने अझ चर्को धम्काउदै एउटा एउटा गरेर भाइको profile मा फोटो share गर्न थाली। तुरन्तै पैसा पठाईनस् भने तेरो यो साथी यो साथी लाई video पठाई दिन्छु भन्न थाली। पैसा त दिनै हुन्न भन्ने हाम्रो मान्यता बन्यो र दिएर उता video delete गर्लान भनेर सोच्नु त हार्मो मुर्खता नै हुन्थ्यो। हाम्रो हातमा केही पनि बाँकि थिएन बदनामी जोगाउनु बाहेक। अब हामीले पनि यताबाट बिगत १ घण्टामा एक जना computer hacker को प्रयोग गरेर पुरा ४ महिनाको IP address जम्मा गरेको र चाहेमा उसलाई पक्रेर पुलिसमा हाल्दिन सक्ने खुबी रहेको भनेर हचुवाको धम्कि दिइयो। यो अपराधी computer मा पारंगत नै त पक्कै थिएन भन्ने मेरो बुझाई थियो। यो धम्कीमा अलिकती विश्वास गराउने सक्ने आधार भनेको मैले लेखेको अलि स्पस्ट र सुद्ध अंग्रेजी भाषा र गालि मात्रै थिए होलान। हामीले उसको प्रतिक्रिया कुरेनौ। हामीले कुनै पनि हालत मा त्यो video कसैलाई पोस्ट गरे पुलिसको मध्यमबाट उसलाई पक्रेने उल्टो धम्कि दियौं। उताबाट ‘मेरो IP private हो हा हा हा मेरो profile झुटो हो हा हा हा’ जस्ता प्रतिक्रिया आउंदै थियो, हामीले facebook र skype खाता तुरुन्तै deactivate गर्यौ। सबै कुरा शान्त भए, मन बाहेक।

त्यो video कुनै पनि हालतमा सतहमा आउने छैन भनेर मैले त्यो भाइलाई आस्वस्त परें। जीन्दगी सहज जिउने बहाना त चाहियो नि। mutual friend नभएका कारण त्यो केटीले बदनामी गराउने उदेश्यले अरुको facebook खातामा video हाले पनि others section मा रहने र धेरैको नजरमा न आउने मेरो बुझाई थियो। कुनै साथीलाई पठाएर हेरे पनि कतै share नै किन गर्ला र? फेरी येस्तै अरुलाई ठग्न बनाएको account पुलिस धम्कि पछि delete हुने पनि निश्चित नै छ। र आफ्नो पछि पुलिस लाग्न सक्ने हुनाले धन्दा चलाउनेले पैसा नदेको रिसिवी किन शन्ध्लान र ? Video online नै हाले पनि कसैले पत्ता लगाउन पर्यो, हेर्नु पर्यो, share गर्नु पर्यो। Nepal telivisoin ले पक्कै देखाउदैन होला। HIT त पक्कै खान्न होला ! त्यसैले अब भाइ डराउनु पर्ने भनेको बुडीसंग मात्रै हो झैं लग्यो।

तर यस्ता खाल्का घटनाहरुमा अन्य नेपाली कति फसेका होलान्। उल्लेखित भाइले त तुरुन्तै यो कुरा मलाई भने र एक तरिकाले यो कुराको सामना गरियो र गरिंदै छ। कतै कोहि नेपालीले अझै western union money transfer धाइ रहेका होलान् कि ? कि कुनै नेपाली चेलीलाई कसैले यसै गरेर video बनाएर शोसन गरि रहेको होला कि ? अरुका फोटो झिकेर facebook profile बनाएर अनेक नचाहिंदा र असभ्य सामग्री राख्नेलाई कार्यवाही गर्ने कानुन मात्र बनाए कमसे कम लहलहै मै एस्तो कार्य गर्नेले बन्द गर्थे कि? र अपराधी पत्ता लगाउने सहयोग मिल्थ्यो कि ?

नम्रता श्रेष्ठ को यस्तै video ले त hit नै खायो। उ पनि त निर्दोस थिइन्। Nepal television ले पनि देखाएको होइन फेरी। तर उसलाई हेय भावनाले हेर्ने कम भएनन्। त्यसपछिको उस्को fightback प्रशंसायोग्य छ। कम्प्युटर, इन्टरनेट र मोबाइलको जमानामा यस्तो case मा हाम्रा साना नानी देखि लिएर अधबैसे सबै फस्न सक्ने प्रसस्त बाटाहरु छन्। यस्ता नयाँ समस्या बाट कसरी जुध्ने र पिडितलाई सहज बातावरण बनाउन कसरी अघि बढ्ने ? अब हामीले के गर्नु पर्ने हो कोहि फसेको छ भने के गर्न सकिन्छ ? सुझाव र संदेश पनि दिनु होला।