विदेशी पनि भक्तपुरमा लट्ठी नचाउँदै

लट्ठी बोकेर यी विदेशी पर्यटकहरु के गरिरहेका भन्ने ठान्नुभएको ? रमाइलो गरिरहेका नि। काठमाडौँ उपत्यकाका तीन सहर काठमाडौँ, भक्तपुर र ललितपुरमा छुट्टाछुट्टै किसिमले गाइजात्रा मनाइन्छ। भक्तपुरको गाइजात्राको विशेषता घिन्ताङ घिसी नाच हो। खासमा यो नाच लय र ताल मिलाएर लट्ठी नाच्ने गरिन्छ। तर आजभोलि मन भएकाहरु सबै सहभागी हुने भएकोले उफ्रेर, नाचेर लट्ठीमात्र ट्वाक्क जुधाए पुग्ने रिमिक्स शैलि पनि आएको छ। त्यसरी नै नाच्दैछन् यी विदेशी पर्यटकहरु। ताल मिलाएर नाच्नेहरु पनि नभएका भने हैनन् है। तर धेरै चाहिँ रमाइलोको लागि लट्ठी बोकेर नाचेका युवायुवती नै देखिन्छन्। चाडवाड आखिर रमाइलोकै लागि त हो।