Skip to content

MySansar

A Nepali blog running since 2005. Seen by many as an antidote to mainstream media

Menu
  • Home
  • माइसंसारलाई पठाउनुस्
  • ट्विटर @salokya
  • मिडिया
  • Fact check
  • Useful Link
  • Donate
  • #WhoKilledNirmala
Menu

लघुकथाः दैवी इच्छा

Posted on August 17, 2013August 17, 2013 by mysansar

एकदम जान्ने मान्छे रे। ठ्याम्मै मिल्ने भविष्यवाणी गर्ने भनी उनको ख्याति टाढाटाढासम्म फैलिएको थियो। आफ्नो भविष्य थाहा पाउन कहाँबाट मात्र मान्छे आउँदैन थिए। एक दिन तीन जना केटा भविष्य थाहा पाउन त्यहाँ आए। अमेरिकाको भिसा लाग्छ कि लाग्दैन भन्ने उनीहरुको मूल जिज्ञासा थियो। इन्टरभ्यु पर्सि हुँदै थियो। पैसासैसा छेउमा चढाए, प्रणाम गरे र आफ्ना कुरा भने।

आँखा बन्द गरेर ‘जान्ने’ले आफ्नो चोर औँला उठाए, उही पृथ्वीनारायण शाहको शालिकको शैलिमा। ती तीन केटाहरु वाल्ल। के भन्न खोजेको भेउ पाएनन् उनीहरुले। अर्थ बताउन उनीहरुले आग्रह गरे। तर जान्नेले भन्यो- “दैवी इच्छालाई सीधा शब्दमा भन्न मिल्दैन। समय आएपछि आफै बुझ्छौ।”

ती तीनै जना ट्वाँ परेर फर्किए।

उनीहरु गइसकेपछि जान्नेका सहयोगीले सोधे, “तीन जना मध्ये कसले भिसा पाउँछ हजुर?”

जान्नेले भन्यो, “सही संख्या त पहिलेदेखि नै ज्ञात छ।”

“एक मात्र औँला उठाउनु अर्थ उनीहरु मध्ये एक जनाले मात्र भिसा पाउँछ ? ”

“हो”

“तर अनि उनीहरुमध्ये दुई जनाले भिसा पाए भने नि ?”

“त्यसो भएमा मेरो एउटा औँला उठाउनुको अर्थ एक जनाले पाउँदैनन् भन्ने हुन्छ।”

“तर अनि तीनै जनाले भिसा पाए भने नि ?”

“त्यसको अर्थ एक जना पनि असफल हुँदैनन् भन्ने हुन्छ”

“तीनै जनाले पाएनन् भने नि ?”

“त्यस्तो भएमा एउटा औँला उठाउनुको अर्थ उनीहरु मध्ये एक जनाले पनि भिसा पाउँदैनन्”

सहयोगीले कुरा बुझे। भने, “ए, यसो रहेछ दैवी इच्छा”

[चिनियाँ लघुकथाबाट भावानुवादः प्रतिभा]

लालटिन

अँध्यारो रातमा आँखा देख्न नसक्ने एक जना सडकमा हिँडिरहेको थियो। उसको हातमा एउटा लालटिन थियो र टाउकोमा माटोको गाग्री।

बाटोमा एक बटुवाले सोध्यो, “ए मूर्ख, तेरो लागि के दिन, के रात। दुवै एउटै। अनि यो लालटिन तँ अन्धालाई चाहिया किन?”

उसले जवाफ दियो, “यो लालटिन मेरो लागि हैन तेरो लागि जरुरी छ। रातको अँध्यारोमा मसँग ठोक्किएर तैँले मेरो माटोको यो गाग्री फुटाउलास् भनेर।”

[लियो टल्सटायको कथाबाट अनुवाद: प्रतिभा। तपाईँ पनि आफ्ना कथा, लघुकथा, अनुवाद पठाउन चाहनुहुन्छ भने [email protected] ]

5 thoughts on “लघुकथाः दैवी इच्छा”

  1. shiva hari says:
    August 18, 2013 at 7:57 am

    दिमाख घुमौन सक्ने लाइ मान्नै पर्यो कति राम्रो कथा

    Reply
  2. raj kunwar LONDON says:
    August 18, 2013 at 2:15 am

    यो कथा र प्रचण्ड को भासणा उस्तै उस्तै मिल्दो रहेछ.प्रचण्ड ले तराइमा भासणा गर्दा भैसी
    पुजा गर्छु भन्नि, महिला सभामा भासणा गर्दा , मा पनि महिला हु भन्नि , विदेश मा गयर गाई काट्नु पर्छ ,भन्छन , अनि नेपाल मा गाई को पुजा गर्नु पर्छ भन्छन , राजा बादी संग राजा राष्ट बादी हुन् भन्छन , अनि राजा बिरोधि संग राजा देश द्रोही भन्छन बुझ्ने लाई येत्ति नै कफी छ ,,,,,,,,,,,,,,!

    Reply
  3. शशांक लामा says:
    August 17, 2013 at 5:03 pm

    सन्देशमुलक कथा !!!

    Reply
  4. aryan says:
    August 17, 2013 at 1:59 pm

    मैले पनि धेरै अगाडी कान्तिपुर मा एऔत लघु कथा पढेको थिय येह राखेको छु:
    दुइ जना छेमेकी कृषक मित्र हरु एक रात खेत मा पनि लगुना जाँदै थियो. अँध्यारो भएको ले दुवै जना ले टर्च लाइट बोकेको थियो. दुवै जना एकदम लोवी भएको ले कुनै ले पनि बाटोमा संगै हिन्द तोर्च लाइट बालेना – ब्याट्री बचौना जब दुवै जना आफ्नो आफ्नो खेत मा पानि लगुना थाले एक जना ले अर्को को तोर्च लाइट चोरेर बल्न थालेयो अनि अर्को ले सोच्यो “मेरो तोर्च लाइट चोरेर बल्दै छ”, तेसकारण उसले पनि अर्को साथीको तोर्च लाइट चोर्यो र बल्न थाल्यो. अर्को साथी ले सोच्यो “येह तेस्ले मेरो तोर्च लाइट चोरे ब्याट्री सकुन्दै छ” तेसकारण उसले पनि तोर्च बलेको बलेकी गर्यो. अब दुवै जना ले तोर्च बाल्ने कम्पिटिशन गर्न थाल्यो.

    Reply
  5. Sridhar Amatya says:
    August 17, 2013 at 12:49 pm

    “दैवी इच्छा” त पुकदाको द्वन्दात्मक भौतिकबाद जस्तै रहेछ, हुन्छ पनि हुदैन पनि!

    Reply

Leave a Reply Cancel reply

Your email address will not be published. Required fields are marked *

माइसंसारलाई सहयोग गर्नुस्

माइसंसार पाठकहरुलाई स्वेच्छिक सहयोगको आह्वान गर्छ। तपाईँ इसेवामार्फत् वा तलको क्युआर कोडमार्फत् सहयोग गर्न सक्नुहुन्छ। विस्तृत यसमा पढ्नुस्।

Links

  • गृहपृष्ठ (Home)
  • मेरो बारेमा (About me)
  • पुरानो ब्लग (Archives)
  • माइसंसार इमेल

यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि [email protected] मा इमेल गर्नुहोला।
© 2023 MySansar | Powered by Superbs Personal Blog theme