बेलबारी घटनाका पीडकहरुलाई बचाउने षड्यन्त्र भइरहेको भन्दै राष्ट्रिय दलित आयोगले आपत्ति जनाएको छ। आज राजधानीको रिपोर्टर्स क्लबमा पत्रकार सम्मेलन गर्दै आयोग अध्यक्ष सुशीला सिरपानी ठकुरीले घटनालाई अर्कै ढंगले मोड्ने र दुर्व्यवहार गर्नेहरुलाई यत्तिकै छाड्ने षड्यन्त्र भइरहेको बताएकी हुन्। उनले प्रशासनले घटनालाई छुवाछुत कसुर ऐन अनुसार मुद्दा चलाउन आनाकानी गरिरहेको भन्दै पीडितले न्याय नपाउने अवस्था सिर्जना गरिए त्यसको प्रतिरोध गर्ने चेतावनी दिइन्। प्रहरीको छानबिन टोलीले भने त्यहाँ छुवाछुत ऐन लगायत चार किसिमको अपराध भएको ठहर गरेको छ।
विराटनगरबाट छापिने उद्घोष दैनिकले आज छापेको खबर यस्तो छ-
बेलबारी घटनाको छानबिन गर्न पूर्व क्षेत्रीय पहरी प्रमुख प्रहरी नायब महानिरीक्षक उपेन्द्रकान्त अर्यालले गठन गरेको छानविन टोलीले एउटै घटनामा चार किसिमको अपराध भएको ठहर गरेको छ। स्थलगत अध्ययनपछि टोली सो निर्णयमा पुगेको हो।
टोलीले प्रनामनिलाई शनिबार प्रतिवेदन बुझाउनुपर्नेमा समय अभावका कारण बुझाउन सकेन। सम्भवतः आ