Skip to content

MySansar

A Nepali blog running since 2005. Seen by many as an antidote to mainstream media

Menu
  • Home
  • माइसंसारलाई पठाउनुस्
  • ट्विटर @salokya
  • मिडिया
  • Fact check
  • Useful Link
  • Donate
  • #WhoKilledNirmala
Menu

निशाले सगरमाथा चढ्न पाउने, तर हैसियत ‘चिनियाँ टोलीको हेल्पर’ हुने

Posted on April 24, 2013April 24, 2013 by Salokya

nisha सगरमाथा चढ्न भनेर तामझामका साथ गएको तर अनुमति नलिएको खुलेपछि आधार शिविरमै अलपत्र परेको, फर्काउने भन्ने खबरबीच आज पर्यटन मन्त्रालयका ‘लेखापाल’लाई उद्‌धृत गर्दै आएको समाचारमा नायिका निशा अधिकारी र नायक अर्जुन कार्कीलाई सरकारले सगरमाथा चढ्न नरोक्ने भएछ। पर्यटन मन्त्रालयका प्रवक्ता यो चुप बसेको बेला यो विषयमा बोल्ने अधिकारै नभएको ‘लेखापाल’को मुखबाट आएको (वा दिन लगाइएको) धारणाले पूरै प्रकरणलाई रहस्यमय त बनाउँदै नै थियो, अर्की आरोही जुनिता सम्बाहाम्फेले आरोहणका नाममा हुने ठगीबारे अमेरिकाबाट गरेको खुलासाले नयाँ रुप लिएको छ।

लेखापाललाई बोल्न लगाएर भए पनि पर्यटन मन्त्रालयले निशा र अर्जुनलाई ‘नो अब्जेक्सन’ भन्दै हरियो झण्डा देखाएको छ। तर निशा र अर्जुनको हैसियत सगरमाथा आरोहीको भने हुने छैन। उनीहरु हाइ अल्टिच्युड वर्कर अर्थात् बोलिचालीको भाषामा ‘हिमाली भरिया’ को हैसियतमा हुनेछन्। निशा चाइनिज आरोहण टोलीकी हेल्पर हुन्। उनले त्यही लेखिएको प्रमाणपत्र पाउने छिन्। अलिकति प्रक्रियामात्रै मिलाएको भए उनी हेल्परका रुपमा हैन, आरोहीकै रुपमा शिर ठाडो पारेर सगरमाथा आरोही बन्न सक्थिन्। किनभने उनको आरोहणलाई बैँक लगायतका संस्थाले समेत प्रायोजन गरेको थियो। रकमको अभाव उनलाई हुने थिएन। सरकारले पनि नेपाली आरोहीका लागि रोयल्टी मिनाहा गरिदिन सक्थ्यो।

राससको समाचार पढ्नुस्-

सोलुखुम्बु, वैशाख १०- संस्कृति,पर्यटन तथा नागरिक उडडयन मन्त्रालयले नायिका निशा अधिकारी र नायक अर्जुन (जितबहादुर) कार्कीलाई विश्वको सर्वोच्च शिखर सगरमाथा आरोहण गर्नबाट नरोक्ने भएको छ। सेभेन समिट ट्रेक एक्स्पिडिसनमार्फत हाइअल्टिच्युड वर्करका रुपमा सगरमाथा चढ्न गएका उनीहरु प्रक्रियागत रुपमा गएकाले मन्त्रालयले नरोक्ने मन्त्रालयका लेखापाल तिलक पाण्डेले बताए ।

निशाले सगरमाथा आरोहणका लागि चाइनिज टिमको हेल्परको अनुमति मन्त्रालयबाट लिएको र अर्जुन कार्कीले पनि सक्कली नाम जितबहादुर कार्कीको नामबाट हेल्परकै रुपमा अनुमति लिएकाले उनीहरुलाई रोक्न नमिल्ने बताइएको छ।

सबैभन्दा बढी सगरमाथा चढेर कीर्तिमानी कायम गर्ने साहसिक आरोही आप्पा शेर्पाले समेत हेल्परकै रुपमा सगरमाथा चढेको भन्दै लेखापाल पाण्डेले नायक/नायिका दुवैजना प्रक्रियागत रुपमा गएको बताए ।

उनले कसैले ट्रेकिङ एजेन्सीलाई रकम तिर्छ वा पारिश्रमिक लिन्छ भन्दा पनि आफूहरुले प्रक्रिया हेर्ने भएकोले प्रक्रिया पूरा भएको उल्लेख गरे । रासस

सगरमाथा नेपालको भने पनि खासमा यो नेपाल र चीनको सीमामा पर्छ। यसको उत्तरी मोहडा चीनको तिब्बतमा र दक्षिणी मोहडा नेपालमा पर्छ। चुचुरो भने नेपालमा पर्छ। तिब्बतबाट चढे पनि नेपालबाट चढे पनि रोयल्टी बुझाउनु पर्छ। नेपालबाट चढ्नलाई प्रति व्यक्ति २५ हजार अमेरिकी डलर तिर्नुपर्छ भने उताबाट चढ्न ७ हजार १ सय ५० डलर तिरे पुग्छ। विदेशी होस् कि स्वदेशी सगरमाथा चढ्न नेपाल सरकारलाई २५ हजार अमेरिकी डलर शुल्क तिर्नैपर्छ। नेपाली नागरिकका हकमा भने रोयल्टी मिनाहा गर्न सकिन्छ। तर, त्यसका लागि मन्त्रिपरिषद्को बैठकले रोयल्टी मिनाहा गर्ने निर्णय गर्नुपर्छ। अहिलेसम्म कुनै पनि नेपालीले रोयल्टी तिरेर सगरमाथा चढेका छैनन्।

आरोही बाहेक आरोहीका सहयोगी (हाइ अल्टिच्युड वर्कर) का रुपमा सगरमाथा चढ्न जान सकिन्छ। उनीहरुले रकम तिर्नुपर्दैन। उल्टो आरोहण टोलीबाट तलबभत्ता पाउँछन्। यही व्यवस्थाको फाइदा उठाएर अहिले सगरमाथा चढ्ने नेपालीलाई आरोहीका रुपमा हैन, अर्कै आरोहण टोलीको सहयोगी (हाइ अल्टिच्युड वर्कर) का रुपमा चढाउने गरेको देखिएको छ। यो सीधै नियम र प्रक्रिया विपरीतको कार्य हो।

सरकारी कर्मचारीको कामकारबाही देखेभोगेकै छौँ हामीले। पर्यटन मन्त्रालयबाट टिप्पणी उठाएर मन्त्रिपरिषद्‌मा पुर्‍याई आरोहणको रोयल्टी शुल्क मिनाहा गराउन लामो समय लाग्नेमा चलखेल गरी आरोहण गराउने संस्था र पर्यटन मन्त्रालयको मिलेमतोमै त्यसरी पठाउने गरेको शंका गर्न सकिन्छ। पर्यटन मन्त्रालयका जिम्मेवार व्यक्तिहरु यो विषयमा चुप रहनुबाट पनि यो शंकामा बल मिल्छ। लेखापाललाई बोल्न लगाएकोमा झन् शंका गर्ने ठाउँ छ। जुनिताले गरेको खुलासाबाट पनि यस्तो धन्दा पहिलेदेखि नै भइरहेको स्पष्ट भएको छ। यदि त्यसो हो भने निशा र अर्जुनको केसमा अकस्मात् यो कुरा कसरी बाहिर आयो त ?

निशा अधिकारीले आरोहण गर्ने बारे भव्य पत्रकार सम्मेलन गरिन्। प्रायोजकका रुपमा रोटरी क्लब अफ नागार्जुन, सिटिजन बैंक, मेगा बैंक र तितो सत्य युनिट पाइन्। मेगाको लोगोसमेत बोकेर आएकी छिन् उनले। त्यति विधि प्रचार गरी आउने तर आरोही नभई सहयोगी भएर जानु नैतिकताविपरीतको कार्य हो। अरु हाइ अल्टिच्युड वर्कर, अरु आरोहण दलका सदस्यलाई त्यो देखेर चित्त बुझेन। उनीहरुले विरोध गरे, र मिडियामा योबारे बताइदिए। त्यसपछि यो विषय चर्कियो। हाई अल्टिच्यूड वर्करको काम आरोहण दलका सदस्यलाई सगरमाथाको शिखरसम्म पुर्‍याउन सहयोग गर्ने हो। निशा अधिकारी र अर्जुन कार्कीले त्यस्तो काम गर्न सक्दैनन्। भन्नलाई हाइ अल्टिच्युड वर्कर भन्ने अनि सुविधा चाहिँ आरोहण दलका सदस्यकै जस्तो दिने भएपछि अरु शेर्पाहरुलाई नै पनि यसमा चित्त नबुझेर विरोध गरेका हुन्।

हाइ अल्टिच्युड वर्कर भए उनीहरुलाई तलब भत्ता दिनुपर्ने हो। तर आरोहण गराउन लागेको सेभन समिट ट्रेक एक्स्पीडिसनले चिनियाँ टोलीको सहयोगीका रुपमा निशा र अर्जुनलाई लगे पनि रकम दिने हैन, उल्टै १० लाख रुपियाँ उनीहरुसँग लिएको छ।

निशाले सगरमाथा चढ्लिन्, त्यहाँ झण्डा पनि फहराउलिन् प्रायोजकको। तर सर्वोच्च शिखरमा पुगे पनि उनको नैतिकता भने होचिनेछ। उनी आफैले पनि आरोहीका रुपमा हैन, चिनियाँ टोलीको हेल्परका रुपमा सगरमाथा चढेको प्रमाणपत्र पाउने छिन्। के त्यो प्रमाणपत्र उनले आफ्नो कोठामा सजाउन सक्छिन् ? कि जुनिताले जस्तै प्रमाणपत्र नै अस्वीकार गर्छिन् ?

दोष कसको ?

-निशा र अर्जुनको। दुवैले सगरमाथा चढ्नु भनेको फुल्चोकी डाँडा चढे जस्तो पक्कै ठानेका थिएनन् होला, उनीहरुले विस्तृत प्रक्रिया बुझ्नु पर्थ्यो। त्यो नबुझी हचुवा तालमा हिँड्नुमा उनीहरु दोषी छन्।

-सेभेन समिट ट्रेक एक्स्पीडिसनका प्रमुख मिङमार शेर्पाको। सगरमाथा चढ्न लागेका यी नेपाली सामान्य नागरिक नभएर आफ्नो क्षेत्रका परिचित व्यक्ति हुन्। उनीहरुलाई त्यही अनुसार सरकारबाट आरोहण शुल्क मिनाहा गराएर प्रक्रिया पूरा गरेरै आरोहीका रुपमा लानु पर्थ्यो, कुनै अर्कै टोलीका सहयोगीका रुपमा हैन। के गर्ने दुवै जना रुनै खोजेर मैले पठाएको हुँ जस्तो गैर जिम्मेवार कुरा गर्नु हुँदैन थियो उनले। प्रक्रिया थाहा नहुनेलाई बुझाउने जिम्मा उनकै हुन्थ्यो।

– पर्यटन मन्त्रालयको। हाइ अल्टिच्युड वर्कर भन्ने नाम दिएर जो कोही पनि सगरमाथा चढ्न पाउँछ ? भोलिपर्सि विदेशी पनि आउला रे हाइ अल्टिच्युड वर्कर भनेर, चढ्न दिने ? हाइ अल्टिच्युड वर्करको काम के हो, कसले यस्तो काम गर्न पाउँछ भन्ने मापदण्डै छैन ? बनाउनु पर्दैन ? नाम चलेकी हिरोइनले हाइ अल्टिच्युड वर्कर भनेर आँखामा छारो हालेर सगरमाथा चढ्न लाग्दा पनि यसरी हैन प्रक्रिया पुर्‍याएर आरोहीका रुपमा चढ्नु भनेर रोक्न नसक्ने भएकोले मन्त्रालयका अधिकारीहरु दोषी छन्।

[तपाईँको विचारमा को दोषी ? आफ्नो विचार तल लेख्नुस्]

64 thoughts on “निशाले सगरमाथा चढ्न पाउने, तर हैसियत ‘चिनियाँ टोलीको हेल्पर’ हुने”

  1. raj says:
    May 28, 2013 at 7:22 pm

    हैसेयत गुमायरा कमायको नाम पनि के नाम कमै भयो र , आफ्नै देश मा बिदेशी को भरिया बन्नु पर्दा त्यो भन्दा लाज मर्दो अरु के नै होला र…. के सेलेब्रिती भन्दैमा नियम कानुन लाग्दैन र ………..यस्ता पनि चेलेब्रेती ….हुन त यो देश मा यस्तै को राजई चल्दै आयको छ ..लाटो देश को गादो तन्नेरी भनेको यहि होला …………

    Reply
  2. Roshan says:
    April 29, 2013 at 8:13 am

    चोर माथि चक्कर,निशा र अर्जुनले खाएछन ठुलै ठक्कर,भ्रष्ट,गुण्डा,दलाल र दुइ नम्बरी धन्धाको
    प्रमुख ट्रान्जिट प्वोईन्ट देशमा यस्ता घटना घट्नु अवश्य पनि कुनै नौलो कुरो होइन/एमआरपी
    राहदानी हजारौं बंगाली र सयौं भारतीय गुण्डा डाँकाहरुलाइ पैंसा खाएर दिने देशमा धेरै कुरा के गर्ने?

    Reply
  3. टंक काफ्ले says:
    April 26, 2013 at 11:47 pm

    फिल्म नपाएपछि यि नौटन्कि हरु यस्तै हुन,अब भरिया भापनि हुनु परेन।बरु अनिल शाह को corporate social responsibility(greatest joke) को पो बलात्कार भो त।

    Reply
  4. bishnu pd subedi says:
    April 26, 2013 at 7:07 pm

    अरे बाबा तपाईं हामीले कराएर हुन्छ, जाने मान्छे जान तयार छ, पैसा दिने पनि तयार छ अब हामी बाहिर बसेर कराएर केहि हुन्न…………उनिहरुलाई भरियाकै certificate भए नि पुग्दो रहेछ त हामी क गर्न सक्छौ …..जब मान्छे मा नैतिकता भन्ने कुरा हुन्न येस्तै हुन्छ समस्या /

    Reply
  5. Mahesh S says:
    April 26, 2013 at 3:47 am

    अब यो ठगी सगी ज् भये नि एस्तो कार्ये आइन्दा बन्द हुनु पर्‍यो। एस्तो नि टगी हुने रहेछ भनेर अब चढ्ने हरु ले सतर्क अप्नौनु पर्‍यो। जहाँ सम्मा निशा अधिकारि को सगरमाथा चाढ्ने कुरा छ, अब सरकार ले रोकेन भने चढ्ने नि। status को केही मत्लब छैन। सगरमाथा आरोही भनेर प्रमाणपत्र पाउदै मा कसैले सिदूर जात्र गर्ने नि हैन, जिन्दगी भर फोकत मा खान पौने नि हैन। सगरमाथा त चढेकै हो नि।

    Reply
  6. nisha says:
    April 25, 2013 at 2:04 pm

    निशा र अर्जुन त एउटा पत्र मात्र हुन् यो सेबेन समिट ट्रेक्स ले यो वर्ष धेरै जना नेपाली हरुलाई पर व्यक्ति १०,०००० /- का दरले धेरै जना संग पैसा उठाउदै सगरमाथा आरोहणका लागि भिबिन्न टिमको हेल्परको रुपमा अनुमति मन्त्रालयबाट लिएको छ

    Reply
  7. raghubir says:
    April 25, 2013 at 11:25 am

    समस्या टन्नै रैछन् – कुरो बुझ्दै ल्याउँदा।
    कुरो रैछ – ट्रेकिङ एजेन्सी वा चढाउने संस्था जे भनौं, उनीहरुको कमाई गर्ने भाँडो रैछ हाइ अल्टिच्युड वर्कर भन्ने loop hole. यहि loop hole exploit गरिंदो रैछ – Win/Win Situation को लागि । चढ्न खोज्नेले २२ लाखको सट्टा १० लाख तिरे पुग्ने – चढाउनेले यहि मेसोमा नेपालीलाई चढाएर मज्जाले नाफा कमाउने -(ए साँच्ची रोयल्टी तिरेर चढ्ने विदेशी संग चाहीं कति शुल्क लिने गरेका छन् यी आरोहरण गराउने संस्थाहरुले ? त्यो नि जान्न पाए हुने!)। ठगीने चाहीं हाम्रै प्यारो नेपाल सरकार – रोयल्टीको २२००००० रुप्पे खोइ कता खोइ कता। चढाउनेले नाफा कमाउँछ भन्ने त सिधै बुझियो – जस्तै निशालाई चिनिया टोलीको हेल्परको रुपमा लाने रे – भनेपछि त्यहाँ रोयल्टी तिर्ने चिनिया टोली पनि छ – र चिनिया टोलीले सगरमाथा चढ्न मद्दत गर्ने संस्थालाई सेवा शुल्क पनि तिरेको छ – टन्नै तिर्‍या होला पक्कै – उनीहरुकै तुनाको फेरो समात्न लगाएर निशालाई चढ्न पठाईंदै रैछ – हैन त । अक्सिजन र टेन्ट र खाना आदि सबैको खर्च त चिनिया टोलीले बेहोर्छ होला नि – निशा चढेपनि वा नचढेपनि यी सबै सामानको खर्च उस्तै नै हुन्छ – भनेपछि निशाले तिरेको १० लाख स्वतः पुरै नाफा मात्र भएन त ? मानिलिउँ न – १० जनाको टोली चढ्दै छ – उनीहरुसंग अक्सिजन, टेन्ट, खाना, भरिया आदि इत्यादि अरु के के चाहिने हो सबैको खर्च पनि उठाइएको छ – लौ अन्तिममा गएर १ जना थपिएर ११ जना चढ्ने भए – के अब अक्सिजन, टेन्ट, खाना, भरिया ……. लगायत सम्पूर्ण जिनिसको खर्च कति बढ्छ त ? मेरो हिसाबमा त खासै बढ्दैन। अनि त्यो ११ औं हाइ अल्टिच्युड वर्करसंग असुलेको सबै नाफा मात्र भएन त ? मलाई चाहीं यस्तो लाग्यो।

    बाँकी रह्यो निशा र जितबहादुरको कुरो – पेशै नौटंकी – उनिहरुबाट गतिलो कामको आश हामी कसैले गर्नु हुन्न – तात्तो न भुत्लोको नेपाली सिनेमा मा यसो तिघ्रा देखाएर नाच्दैमा के के न ख्यासें भन्ने घमण्डीहरु। कुनै गतिलो सिनेमा बन्छ ? सबै हिन्दी सिनेमाका Copy – त्यो पनि Cheap Copy । कथा त चोरे चोरे, हुँदा हुँदा आजभोली नेपाली सिनेमाका नाम हेर्नु भाको छ ? उर्दु भाषामा नाम राखिएका हुन्छन् -हिफाजत रे धर्मा रे – थुक्क पाजी हो तिमेरका दिमागमा नेपाली भाषामा राम्रो सुनिने खालको कुनै नाम पनि आउँदैन।

    मेरो सहानुभुती खाली जुनिता बहिनीलाई छ – अलि केटाकेटी पाराले चढ्न गएर गल्ति गरेको चाहीं हो – तर पनि सफा मनले राम्रो गर्नको लागि लिम्बु जातिको पहिलो महिलामा नाम लेखाउन चढ्न गएको जस्तो लाग्यो – तपाई पनि ठगिनु भएछ – नठगिएको भए राम्रो हुन्थ्यो – तर जे होस – हाइ अल्टिच्युड वर्कर भन्नुस वा अरु जे सुकै भन्नुस, मेरा लागि लिम्बु जातिको सगरमाथा चढ्ने प्रथम महिला जुनिता बहिनी नै हो।

    Reply
    1. CP says:
      April 25, 2013 at 10:04 pm

      नेपाली फिल्म हिन्दि सिनेमाको कपि गरेकोमा हिरो हिरोइन को के दोष बिचरा ? दोष त लेखक, निर्माता, र डाइरेक्टरको हो | १-२ बर्ष स्पोट-बोय भएर हिडेकै भरमा निर्देशक भै टोपालेका छन् यहाँ | अलि पढेर, रिसर्च गरेर फिल्म बनाउने हो भने कति राम्रा मौलिक शिर्षकमा फिल्म बनाउन सकिन्थ्यो |

      Reply
  8. योगेश आदी says:
    April 25, 2013 at 7:22 am

    चमेली पनि सगरमाथा चढें भन्छे, धने पनि सगरमाथा चढें भन्छ !! होइन यो सगरमाथा चढ्नलाइ पैसा भए पुग्ने रहेछ क्यारे ! सुने अनुसार त बाटो अनि समात्ने डोरी इत्यादी सबैको राम्रै व्यस्था हुन्छ रे… भन्नाले चर्चा र रहरको लागि नै सगरमाथा चढ्ने जमाना आएछ !!
    कसको दोष, के हुनुपर्ने भनेर मैले भनेर माछो मर्ला जस्तो लाग्दैन !

    Reply
  9. Fugyaljen sherpa says:
    April 25, 2013 at 2:32 am

    पाहिला शेपाॅहरुलाई high altitude porters भनथियो अब अधिकारी र काकीॅ पनि high altitude portors हुने भो बधाई छ।

    Reply
  10. resham says:
    April 24, 2013 at 10:27 pm

    ए बाबा हो होइन नेपालको हिरो र हिरोनिलाई पनि हावा खुवाई दिएछन त/ तेत्रो पैसा तिरेर जादा त हेल्परको बिल्ला भिराउनु नपर्ने? अब उता बाट फर्के पछि पत्रकार भेलामा गाठी कुरा खोलि देलान नि त./

    Reply
  11. Kiran Upreti says:
    April 24, 2013 at 10:25 pm

    सगरमाथा हामी नेपालीको पहिचान अनि बिस्वोको सिर भनेर भजन गयर नथाक्ने हामीलाई यो घटनाले दुखित बनायको छ | आफ्नै देशको हिमाल चढ्न भरियाको उपाधि लियर चढ्नुपर्ने हामीले नेपाली हुनुमा गर्ब गर्ने ठाउँ रहेन अब | जे होस् सुभकामना छ sagarmathe भरियाहरु अर्जुन र निशालाई |

    Reply
  12. nirmal Baral says:
    April 24, 2013 at 9:19 pm

    Avoiding acts,rules & the regulations, always leads the country towards failure. Both the artists participating in any mode for expedition of the Sagarmatha (Mt.Everest) needed the written permission from the concern authority, but they didn’t.It is not good.They should back from the expedition team.

    Reply
  13. raman says:
    April 24, 2013 at 8:00 pm

    शशाङ्क लामाजी ले एक चोटी जुनिता भएर सोची दिनु पर्यो !तपाइलाई पनि तेस्तो धोका हुँदा कस्तो लाग्थ्यो होला???

    Reply
  14. Tika Ram Pokharel says:
    April 24, 2013 at 7:41 pm

    हाम्रो समाज मा अझै पनि VICTIM लै दोष दिने चलन छ . यहाँ जुनिता निशा अर्जुन हरु विक्तिम हुन् . VICTIM त्यहाँ नाभेय्को भए यो घटना हुदैन थियो भन्ने मानसिकता एक सामाजिक रोग हो . यो सोचाई मा क्यान्सर हो . मलाई लाज लागेको छ कि माथिका कमेन्ट लेख्ने हरु मेरै देशका पढे लेखेका मनिष हुन् . यस्ता बाट मैले प्रोसेस भएको समाज को निर्माण हुने आसा गर्न सक्छु भन्ने मा प्रस्न छ . हामी भनछोउ शेर्पा लै काठमाडौँ को एडमिन ले रेड टेप बाट दुख दियो घुस खायो . माथिको लजिक हेर्दा यदि पेम्बा ले सागरमाथ चधौछां जसरी चढे पनि भो नि भन्ने सहि लग्छ भने काठमाडौँ को एडमिन ले पनि घुस खाएर नखाएर भए पनि काम गरे पछि सकियो नि के को ख्यार ख्यार होइन र ? तर म फेरी फेरी पनि भन्छु यहाँ प्रोसेस पनि पुरा गर्नु पर्छ . प्रोसेस भनेको हाम्रो DIGNITY, RESPECT, and HONOR संग जोडिएको छ . शेर्पा लै काठमाडौँ को सरकारी एडमिन ले ठग्दा जुन दुख लग्छ त्यतिकै त्यहि सेर्पा ले अरू लै ठग्दा दुख लग्नु पर्यो नत्र यो डबल स्तान्दर्द भयो . तर हामी आफ्नो अंगको भैशी देख्दैनौ तर अर्काको आंग को जुम्रा मात्र देख्छोउ . माथि को कमेन्ट ले यहि मेस्सेज दिन्छा . मत भन्छु दुइ गल्ति ले एक सहि बनौदैना . सेर्पा ले पनि ठगेको तुक राख्दैन सेर्पा लै पनि काठमाडौँ सरकारी एडमिन ले ठगेको तुक राख्दैन . प्रोसेस दुबैमा छर्लंग हुनु पर्यो . एण्ड आउट कम मात्रै भएर हुन्न प्रोसेस पनि मिल्न पर्यो . प्रोसेस बिना को आउट कम मा हाम्रो DIGNITY, RESPECT, and HONOR हुने छैन जसले जे तर्क दिए पनि त्यो खाली त्यस्तै समाज मा मात्र हो . जुनिता को लेटर ले यहि दिन्छा .

    Reply
  15. dilip gurung says:
    April 24, 2013 at 7:22 pm

    सगरमाथा चढ्न खासै गार्हो छैन कि क्या हो? जो पायो तेल्ले चढ्ने भाको छ आजकल| प्रचण्डको जड्याहा छोरा देखि अब कलिवुड्का गन्हाउने बाख्रिहरु सहीत् लागेका छन् सगरमाथा तिर| म नि हिड्नु पर्ला जस्तो छ सगरमाथाको टुप्पो तिर|

    Reply
  16. लोकेन्द्र खापुङ says:
    April 24, 2013 at 4:42 pm

    हिमाल चढ्न जानेलाई भरिया (हाइ-अल्टिच्युड वर्कर) लेखाएर जैलाँदा उसलाई उल्टै पैसा तिर्नुपर्ने तर आरोही भनेर लैजाँदा उसबाट रू. १० लाखभन्दा बढी रकम लिनुपर्ने बुझियो। आरोहीबाट रकम लिएवापत आरोहण-कम्पनीले सरकारलाई कर निश्चय नै बुझाउनुपर्ने हुन्छ। के कर छल्नका लागि आरोहीलाई भरिया लेखाएर लाने गरिएको त छैन? नत्र आरोहीलाई भरिया लेखाएर लैजानुको रहस्य के हो? आरोहीलाई भरिया लेखाएर हिमाल चढाउनेमा आरोहण-कम्पनीको एक्लो हात छ कि पर्यटन मन्त्रालयका कर्मचारीहरूको समेत मिलोमतो छ?

    जुनिता, निशा र अर्जुनमात्रै होइन, यसअघि कयौं नेपालीहरूले सगरमाथा चढिसकेका छन्। के उनीहरूबाट पनि रकम असुलेर भरिया लेखाएर लगिएको त छैन? के तेस्रो मुलुकबाट आएका आरोहीमध्ये कतिपयलाई भरिया लेखाएर त लगिएको छैन? पाँच सय रुपैंयाको तमसुकलाई पाँहजार बनाइने मुलुकमा सबै कुरा संभव छ।

    “खोज पत्रकार”हरू अनुसन्धानमा तुरुन्त अगाडि बढ्नुपर्‍यो। नत्र यो विषय केही दिनमा त्यतिकै सेलाएर जाने छ। पर्यटन जस्तो देशको आर्थिक स्रोतको मेरुदण्डमा गाडिएको भ्रष्टाचारलाई निमिट्यान्न नपार्ने हो भने नेपालको विकास कहिल्यै हुने छैन।

    Reply
  17. kiranrai says:
    April 24, 2013 at 3:15 pm

    आफ्नै देशको हिमाल चड्न पनि २१ लाख रूपैया तिर्नु पर्ने जस्तो कानुन लज्जास्पद छ । नेपालीलाइ हिमाल चडन सामान्य शुल्क मात्र लिनु पर्छ त्यो पनि हिमालको सम्रछणको लागी । नेपालीहरूले यस्तो काइते कानुन तोड्नै पर्छ । म यस्तो कानुन कुनै हालतमा मान्दिन । यो मेरो देश हो , मेरो हिमाल हो , यत्ति ठुलो रकम त मैले आफ्नै जिवनमा एकैचोटी देखेको नि छैन तिर्ने त कुरै भएन ।

    Reply
  18. Prabin lama says:
    April 24, 2013 at 3:09 pm

    सेवा अनुसारको बेबहार बनि अनुसारको माम मिल्यो हिरोइन भानौदलाई तेस्तै हुन्छ हो सोल्टिनी मनै हु भनेर येह मा भन्दा राम्रो मा भन्दा हुने कोइ छैन भन्ने सोच्नु हुन्न राम्रो कम राम्रो बानी को हुनु पर्चा आफुले जस्तो बेबहार गर्चन्नि तेस्तै फल पाउछ नानी नामको लागि काम भन्दा अघि अघि प्रचार हाहाहा खाने मुखलाई जुंगाले छेक्दैन आफ्नो सपनानै एक चोटी सगरमाथा चुचुरो पुग्नुथियो भने किन तेत्र हुलदंगा मच्चाई राख्नु पुग्नु सक्छ कि Sakdaina बरु अलिकत्ति दिमाग भाको भए काम सकेर मात्र गरेर देखाएर मात्र प्रचार प्रसार मा

    Reply
  19. Pankaj says:
    April 24, 2013 at 2:02 pm

    दोष कस्को हो, होइन पछि तर्क बितर्क गर्दै गरुला / अहेले लै चाहि निशा को सुन्दर जवानी हिउ ले नखाओस भन्ने प्राथना गर्दछु /

    Reply
  20. Kusum Kunja says:
    April 24, 2013 at 12:49 pm

    अर्कोलाई दोष देखाएर उम्किन खोजे मात्र हो । सबै दोषी छन् । भरिया भएरै जान राजीहुनेहरुले प्रायोजक खोज्नु कलाकारहरुको ठुलो गल्ती देखियो । अब माथि देखि तलसम्म सबै मुख मिलाएर बसे पछि हाम्रो के लाग्छ र ?

    Reply
  21. pradeep says:
    April 24, 2013 at 12:47 pm

    High Altitude होइन High Attitude चाहिं पक्कै छ है निशाको

    Reply
  22. shreesh thapa says:
    April 24, 2013 at 12:03 pm

    भरिया भएरै जाने हो भने १० लाख लिने चाही को हो ??? त्यसको छानबिन होस् अनि भरियाले पाउने भत्ता अर्जुन र निशालाई दिनुपर्छ ….मलाई लाग्छ निशा र अर्जुनलाई झुक्क्याएको हुन सक्छ …अब अहिले आएर थाहा पाए पनि १० लाख यसै डुब्नेनै भयो भन्ने सोचेर भरियाकै रुपमा भएनी जान उचित ठानिन होला तर उनि गएपनि नगएपनि भरिया बनेर जानेले पैसा तिर्न किन पर्छ ???? यसको जवाफ सबैलाई चाहिएको छ ……

    Reply
    1. pasang says:
      April 24, 2013 at 1:19 pm

      नामको मात्र भरिया हो | उनि हरुलाई ग्राहक कै रुपमा राखिन्छ र सहयोगी सहित आरोहन गर्न मदत गरिन्छ | राजस्व मिनाहा हुन सजिलो पनि त हुन पर्यो नि अरुको हैसियत बनाएर हिडनलाई | २५,००० डलर भनेको २२ लाख हो जुन मिनाहा हुन हाम्रो नेपालको सरकारी कार्यालयमा सजिलो छैन | सगरमाथा आरोहन गर्न सस्तो छैन स्रेस जी | भरिया भएर जादा पैसा तिर्न किन पर्यो भन्दा खेरि :-
      १. सर्ब प्रथम त राजस्व मिनाहा हुन पर्यो, जुन सजिलो छैन | प्रचण्डको छोरोको मिनाहा गर्दा त येत्रो काण्ड बाको थियो यिनीहरु त को नै हो र |
      २. भरियाकै रुपमा भए पनि मान्यता पाओस भनेर लागेका हुन् | आखिर आपा शेर्पा, पासांग ल्हामु शेर्पा र तेन्जिन नोर्गेले पनि येस्तै त गरेका हुन् नि | उनिहरुको केहि बिग्रेको छैन क्यारे, नाम राखेका छन् भरु |
      ३. निशाले त नामको मात्र भरिया हो नि त, भारि बोक्न पर्दैन उनलाई |
      ४. सगरमाथा आरोहन गर्नलाई धेरै समान हरु प्रयोग गर्नु पर्छ जुन कुनै पनि नेपालमा बनिदैन र सस्तो पनि छैन | जस्तै जुनिताले सगरमाथा आरोहन गर्ने बेला लगाएको जुत्ता Millet भन्ने कम्पनिको हो ? (http://www.everestgear.com/) नापत्ताये येह हेर्नुश (http://ninedistrict.files.wordpress.com/2010/01/1st-limbu-in-everest-junita-sambahamphe.ज्प्ग) | यो एउटा जुत्ताको अमेरिकामा ७०० डलर पर्छ | एस्लाई नेपालमा ल्याउदा र १२०% बन्सार बुजाउदा तेस्तै १६०० डलर पर्न आउछ जुन नेपालीमा १ लाख ४० हजार जति पर्छ | एसको अलावा माथि लगाउने लुगा को दोब्बर महँगो हुन्छ |
      र अरु अक्सीजान, डोरी, खाना पकौनी ग्यास, खाना, स्यातालेत फोन सबै बाहिर बाट ल्याउनु पर्छ | खै तिनीहरुको पनि खर्छ जोडेको त |
      ५. १० लाखमा सगरमाथा आरोहन गर्नु सस्तो भन्नु पर्छ |
      ६. अजै चीत्त नाभुजे तलको लिंकहरु खोलेर पढ़नुष |
      –> http://voices.yahoo.com/what-know-attempting-climb-mount-5023408.ह्त्म्ल
      —>http://newsfeed.time.com/2012/02/23/climbing-mount-everest-costs-more-than-a-sports-car/
      —-> http://www.mounteverest.net/expguide/food.हतम

      Reply
      1. Baburaja Maharjan says:
        April 24, 2013 at 10:38 pm

        आपा शेर्पा, पासांग ल्हामु शेर्पा र तेन्जिन नोर्गे शेर्पाले भरियाको रुपमा सगरमाथा चढेका हुन् र उनिहरुको यो पेशा यही थियो! अर्जुन र निशा पर्यटकका रुपमा चढ्नका लागि लागेका हुन् ! तपाइले दिनु भएको सूचना सत्य होलान तर तेस्को मतलब यो हैन कि लाने सेभेन समिट ट्रेक र जाने अर्जुन र निशाको केहि दोष छैन भन्न मिल्दैन !

        Reply
      2. nirvana says:
        April 25, 2013 at 11:39 pm

        पासांग जी, तपाइको भनाइ भ्रम फैलाउने काम मात्र हो । गलत कामलाई गलत भन्न सक्नु पर्छ। जुनिता जी ले आपनो हिमालयमा चाहिने personal समान हरु सबै आफै जुटाएकी हुन् ।जुनिता जी ले हिमाल आरोहणमा लगाएको जुत्ताको मूल्य सहि होला तपाई ले भने अनुसार हिमालय equipment सस्तो छ म भन्दिन । तर त्यो ठग कम्पनीलाइ बुझाएको रकममा ति कुराहरु पर्दैनन् । जुनिताको जुत्ता १ लाख चालिस हजार तपाईकै भनाइमा , र Down shoot हाराहारी १ ०,०००० माथि नै होला त्यो सबै Trekking Agencies Association of Nepal(TAAN) ले आरोहन पछि (TAAN) को museum मा राख्ने सर्तमा sponsor गर्या हो। त्यो( TAAN ) लाई museum को लागि फर्काई सकिएको छ । प्राय सबैले आपनो personal समान आफै जोहो गर्ने हो। त्यसरी आँखै अगाडिको कुरा ढाँटन त पाइएन नि !

        Reply
      3. Sisir says:
        April 26, 2013 at 12:58 pm

        पासांग जी को कमेन्ट पढेर चुप बस्न सकिन ,भ्रम बडी नै भयोकि जस्तो लाग्यो, केहि कुरा तल उल्लेख गर्न चाहन्छु , बिसेस त सोलुको अप्पर बेल्ट संग सम्बन्धित आफ्नो अनुभबको आधारमा
        * तपाइको ६ बुदामा कम्ति मा माथिल्लो ५ वटा भ्रम पूर्ण छन्
        * मेरो बिचारमा तपाई पनि सोलुको upper Belt को हुनु पर्छ (र येस्तै पर्यटन ब्यबसै पनि हुन सक्नु हुन्छ ??), नत्र यो सरासर ठगीको बचाऊ किन ?
        * हिमाल आरोहनको ताला चाबी सोलुको upper Belt को मान्छेको हातमा छ , र एस्तो ठगिको धन्दामा तेताका शेर्पाहरु माहिर भैसकेका छन्, यो त अहिले छरपस्ट भएको घटना मात्र हो , बिर साहसी सेर्पाहरु प्रति हरेक सच्चा नेपाली गौरब र सम्मान गर्छन तर एस्त ठग प्रति होइन जसले शेर्पा जस्तो सम्मानित नेपालको अन्तरास्ट्रिय ब्रान्डको हुर्मत निकाल्दै छन् ..
        * नेपाली पर्यटकलाई सबै भन्दा हेला गर्ने ठाउँ हो सोलु को upper बेल्ट , बरु खैरेको कुकुरले सम्मान पाउला नेपालीले आशा नगरेपनि हुन्छ , यो कटु अनुभवको आधारमा भन्दैछु, मनांग मुस्तांगमा बरु नेपालीको यो भन्दा धेरै गुना राम्रो सम्मान गरिन्छ
        * प्रचण्ड पुत्र प्रकाशलाई राजस्व मिनाहा गर्दा काण्ड भएको होइन राज्यबाट उल्टै २ करोड हजम पनि गर्न खोग्दा उक्त काण्ड भएको हो , काण्ड र प्रकाश कुनै नौलो कुरा भएन अब .
        * आप्पा शेर्पा, पासांग ल्हामु शेर्पा र तेञ्जिङ्ग नोर्गे पनि येसरिनै गएका हुन् भनेर कसले भन्यो तपाईलाई ? आप्पा त अधिकाम्स चोटी सरदार यानी ग्रुप लिडर भएर गएका हुन् नकि भरिया भएर .. भरिया भएर जति सुकै चोटी सगरमाथा आरोहन गरेपनि तेस्को कुनै मान्यता हुदैन भनेर अघिलो ब्लोग्मा कतै लेखिएको थियो
        * निशा र अर्जुन कुन अनुभब ले high altitude worker भए, उनीहरुको हिमाल आरोहन गर्ने योग्यता के हो .. येसरी राज्यलाई ठग्नु बैमानी हो ..
        * तपाई को ४ नम्बर बुदा सरासर गलत र भ्रम फैलाउने कुरा मात्र हो , सगरमाथा चड्नेले आफुले लगाउने व्यक्तिगत लुगा फाटो आफैले बेवास्ता गर्नु पर्छ ,अजेंतले नै किन्दिनु पर्ने भए तेस्को अलग चार्ज लाग्छ , पैसा पौने ब्यबसाइक भरियाको मात्र लत्ता कपडा एजेन्टले उपलब्ध गराउछ , बाकी रहेको लजिस्टिक(टेन्ट, स्लीपिंग ब्याग, अक्सीजान, डोरी, भार्र्याङ्ग,ice pick , खाना पकौने ग्यास,सास फेर्ने ओक्सिजन , खाना, सतेलैत फोन आदि ) मात्र एजेन्टले बेवास्ता गर्ने हो , १ लाख ४० हजार को जुत्ता पनि तेही १० लाख अन्तर्गत हो भन्ने कुरा सत् प्रतिसत गलत हो
        * २-३ वर्ष अगि सरकारले अप्पर सोलुमा एउटा बिमनिस्थल बनाउने भन्दा बिरोध गर्ने पनि तेतैका पर्यटन ब्यबसी नै हुन् , सरकारले एउटा धारा पनि बनाइदिएको छैन भन्ने कुरा मा दम छैन ..
        * सोलु को अप्पर बेल्ट भनेको नेपाली लाई मुर्गा ठान्ने थलो नै हो, सगरमाथाको सिर बेचेर निसा र जुनिता जस्ता धेरै मुर्गा भैसकेका होलान , नाम्चे,चौरिखर्क , लुक्ला , खुम्जुंग , गोरक्सेप , दिन्ग्बोचे आदि इस्थान पुगेका जुनै नेपाली पर्यटकलाई सोद्दा पनि थाहा हुन्छ .. मनांग र मुस्तांगका गुरुङ मनांगे र थकालीहरु बाट यिनी हरुले धेरै कुरा सिक्न सक्छन .. दुवै ठाउमा समान ढुवानी गर्ने तरिका उस्तै उस्तै हुन् तर सोलु यो भेग कम्तिमा पनि ३ गुना महँगो छ
        * बिगत ४-५ वर्ष देखि सोलुको अदिकम्स ठाउमा VSAT मार्फत फोन र इन्टरनेटको सुबिधा छ , जसको नेपाल भित्र कुरा गरेको चार्ज ४ रुपिया प्रति मिनेट भन्दा छैन, लोकल र अञ्चल भित्र रुपिया एक रेट छ तर कसैले ३०-४० रुपिया घटी गर्न पाउदैनन र रु १०० – २०० प्रति घण्टा घटी इन्टरनेट चलाउन पाउदैनन , यो व्यापार हो कि लुट हो ? विदेश गर्दा ७ -२० भन्दा नपर्नेमा किन १०० घटी गर्न पैदान ??
        * मुख्य कुरा गलतलाई गलत भन्न सिकौ , नकि ठगहरुको ओकालत गरौ ,नेपाली पनि पर्यटक हुन् उनिहरुको पनि सम्मान गर्न सिकौ .. जसरि हिजो आज मुस्तांग तिर नेपाली अन्तरिक पर्यटकको ओइरो लागेको छ राम्रो व्यवहार पाए सोलु मा पनि एक दिन येस्तै हुने छ .. नेपालीको पनि सम्मान गरौ ..

        Reply
  23. pasang says:
    April 24, 2013 at 11:50 am

    आखिरमा आएर चडेकी चडेन भनेर त नाप्ने हो नि | भरिया भएर जहोश कि ज सुकै भएर जहोश चडनु गाको चडे पुगी हाल्यो नि त | बल्ल बल्ल पाएको अवसर हो, त्यो पनि गुम्ला अनि ट्वाल्ल परेर हेरे हुन्छ | तेसपछि कसैले लाने प्रयास गर्ने छैनन् |

    Reply
    1. Kusum Kunja says:
      April 25, 2013 at 8:01 am

      पासाङ्गजीले त सेभेन समिट टे«कको कुनै गल्ती छैन भन्न खोज्नु भयो नि ? किन पहिला भनिएन त भरिया बनाएर लैजाने भनेर ? ठगी गर्नेको पक्षमा वकालत ? यो सेभेन समिट भन्नेले मात्र ठेक्का लिएको छ र सगरमाथा चढाउने ? बुझौ है साथी हो ।

      Reply
  24. Shant Gajurel says:
    April 24, 2013 at 11:07 am

    मेरो विचारमा दोष दर्शकहरुको हो । कमसेकम नेपाली फिल्म राम्ररी चलेको भए न यि सगरमाथा तिर हानिन्थे न यो झमेला आउने थियो । अव हाइअल्चिच्युट वर्करको पेशा नै समयस्यामा परेन ? भोलि सवै कलाकारहरु धमाधम यही हैसियतमा सगरमाथा उक्लन थाले भने यसको जिम्मेवारी निशा र अर्जुनले लिने ? अनि दोष त मेघा बैंकका सिइओ अनिल शाहको जनतासंग उठाएको पैसा र प्रमोटरहरुको पैसा सहित वैकको झण्डा दिएर विदा गर्नु अघि सोच्नु पदैर्न। लाष्टै हसाउँउन थाले हो यिनीहरुले पनि । अनि त्यो तितोसत्यको दिपकको पनि सहयोग छ रे अव यिनीहरुले यसरी जग हँसाउन थाले भने भोलि उनको कलाकाररता पनि जोखिममा परेन?

    Reply
  25. ganga says:
    April 24, 2013 at 10:08 am

    हुन त चोर लाइ दोष दिनु भन्दा आफ्नो थैली जोगाउनु उत्तम हो भनिन्छ | यस अर्थमा निशाजी को गल्ति हो | तर ट्रेकिंग कम्पनिको भने डकैति हो | सरकारी निकाय भनेको त पैसावाल हरुका आसे पासे न हुन् |

    Reply
  26. Sachin says:
    April 24, 2013 at 10:05 am

    मेरो विचार मा दोषी एसमा मिसिएका सबै जना हुन् वा भनौ पुरा system नै दोषी छ. सगरमाथा चद्ने कुरा लै हचुवा भर मा लिने नायक नायिका, आफ्नो क्षेत्र को परिचित मिङमार अनि हाम्रो सरकार. सब लाई आफ्नो बारेमा सोचेर फुर्सद नभएको ठाउमा नियम, प्रक्रिया को बारेमा कसलाई फुर्सद छ र?
    अरु भन्दा पनि जुनिता जी ले यो पटक नै कुरा खुलासा गरेको कारण चाही के थियो कुन्नि? थाहा त पहिले देखि नि थियो तर अहिले बाहिर आउनु को catalyst के रहेछ?
    जे होस् ढिलो भए पनि राम्रो कुरो हो, सत्य कुरा छिटै बाहिर आऒस, सुभकामना

    Reply
  27. Shyam says:
    April 24, 2013 at 9:46 am

    सर्वसाधारण जनताले थाहा नभएको यो पर्यटन मन्त्रालय, पर्बतारोहन शाखामा वर्षमा लाखौँ डलर चलखेल हुने एक नम्बरको भ्रष्टाचारको अखडा हो / मन्त्रालयका स्टाफहरुले डलर शाखा पनि भन्ने गर्छ / यो पर्बतारोहन शाखा सरुवा हुन मन्त्रि र पार्टीको मान्छे बाहेक कोहि पनि जान सक्दैन / यस डलर शाखामा एक नम्बरमा यसरी भ्रष्टाचार हुन्छ / ट्रेकिंग एजेन्सीले सगरमाथा लगायत ८ हजार मिटरका हिमालहरुमा चढ्ने मूल बाटोहरु बुकिङ्ग गर्न बिदेशीको नाममा छ्वास्स निबेदन दिएर बुक गर्छन र अनि त्यसमा हिमाल आरोहन गर्ने बिदेशी सदश्यहरु थपघट गर्न ट्रेकिंग एजेन्सीले मन्त्रालयमा घुश ख्वाउन पर्छ भनेर बिदेशी संग डलरको चलखेल सुरु हुन्छ / यसरी चलखेल हुँदा कहिले काँही पर्बतारोहन दल क्यान्सिल हुन्छ / त्यो आरोहन मार्गबाट अन्य दलहरुले हिमाल चढ्न नपाएर सरकारको राजश्व समेत गुम्ने गरेका छन् / यस पर्बतारोहन सम्बन्धि कुनै पनि पारदर्शी नियम कानून छैन / एजेन्सी र पर्बतारोहन दल बिदेशीहरुले हिमाल आरोहन गर्न भनेर चाहिने भन्दा डब्बल त्रिप्पल करोडौं रुपैयाँको इक्विपमेन्ट सामान भन्सार नतिरी मन्त्रालयको एउटा सिफारिशमा ल्याउञ्छन / कुन हिमाल चढ्न कति इक्विपमेन्ट सामान चाहिन्छ भन्ने कुनै मापदण्ड छैन / सबै इक्विपमेन्ट सामानहरु एजेन्सी र पर्बतारोहन दलले नेपालमानै बेचेर पैसा कुम्ल्याएर लान्छ / ठमेलको हाइकिङ्ग ट्रेकिंग पसलमा पाइने राम्रा राम्रा इक्विपमेन्ट सामानहरु यिनै हुन /

    Reply
  28. साम्पांग says:
    April 24, 2013 at 9:21 am

    नम्बर वान दोषी म हाम्रो पर्यटन मन्त्रालयलाई ठान्दछु|
    पर्यटनको हाकिम, सचिव र मन्त्रीलाई साझा सवालमा बोलाएर प्रश्न तेर्साउन पर्यो| कहिले देखि लेखापाल पर्यटन मन्त्रालयको प्रबक्ता हुन् पुगेको हो? आफ्नो दायित्व वहन गर्न नसक्ने पर्यटन मन्त्रालयका पर्यटक हाकिमलाई जिम्मेवारी वोध गराउन पर्छ|

    दोस्रोमा निशा र अर्जुनलाई दोषी मान्दछु| त्यही हो शिक्षित व्यक्तिको काम? प्रचारमा मात्र लागेर मात्र पुगेन हजुर| भरिया भएर जानु पनि इज्जतै हो तर भरियाको जिम्मेवारी वहन गर्नपर्यो| भ्रस्टचार वृद्धि गर्न सघाउ पुर्याउने तपाई जस्ताहरु हुन्|

    तेस्रो, बैंक जस्तो संस्था प्रायोजक भएर पनि सुसुचित नहुनु त्यस्तो बैंकमा कारोबार गर्न नहुने लक्षण हो|

    चौथो नम्बरमा सम्बन्धित ट्रेकिंग एजेन्सी| अहिले आएर केही त् भन्न पर्यो| यसलाई हल्का रुपमा लिएर पुग्दैन| पर्यटनका हाकिम भ्रस्ट छन्, पैसा दिए पुग्छ, जे गरे पनि हुन्छ| भोलि यो बिस्तारै सेलाएर जान्छ| अहिले बोल्नु उचित छैन भनेर वास्ता नगर्नु नियमको अवहेलना गर्नु हो| पेम्बा दोर्जी शेर्पा आउँन पर्यो आफ्नो बक्तब्य लिएर| अहिले सम्म एकतर्फी मात्र सुनिएको छ, दुवै तर्फको भनाई सुनौ|

    पाँचौ नम्बरमा जुनिता| तपाई ठगीएको हो भने मुद्दा हाल्ने कि अमेरिका हानिने? लौ भनौ त्यंही बाट पनि निवेदन दिए पनि हुन्छ| हामीलाई कसरि ठगिनु भो त्यसबारे थप जानकारी पनि दिनुहोला| आफु जसरि ठगीए त्यसरी निशा र अर्जुन पनि ठगीने भनेर मात्र मिल्दैन|
    आफु शिक्षित भएर समयमै आफुलाई सुसुचित गराउने सामर्थ्य हुँदा हुँदै सही गर्ने बेलामा र काम फत्ते हुन्छ भने जे पनि हुन्छ भन्ने अनि पछि ठगीए भनेको जस्तो भान हामी पाठकलाई नहोस| भोलि अमरिकामा जाँदा पनि फलानो बाट ठगीए भन्ने बयान नआउला भनेर कसरि नचिताउने?

    Reply
  29. द्रोण says:
    April 24, 2013 at 9:14 am

    चार फिट अग्लो काठ को पहाड मा चढ्ने अभ्यास हुनेलाई २९०२८ फिट चढ्न दिने ,दिलाउने ,चढ्न खोज्ने सबै दोसी छन् |
    भोलि तल माथि भए हामि मा समेत दोस आउछ , उनि त् भन्न सक्छिन ,यो समाज ले नारि लाइ कम्जोर ठान्ने गरेकोले नारीको सिर उचा राख्न चढ्न गएको भनेर |
    एउटा लाउरे संबिधान बनाउन चढेको भन्थ्यो , आर्काको बुढी टिपेर भाग्यो | अब यिनले पनि नया उपद्रो गरिन भने ,दोस सगरमाथा को पानीलाई जान्छ |

    Reply
  30. sangam sharma says:
    April 24, 2013 at 8:26 am

    दोषी को भनेर यहाँ हामीले tension लिनु भन्दा पनि निशा ले सगरमाथा चढ्नै सक्दिनन र फर्केर आउछिन, त्यसपछि कुरै सखाप .
    सरसर्ती हेर्दा चाही लेखक ले औल्याए जस्तै तिनै वोटा समूह को उत्तिकै गल्ति देखिन्छ .

    Reply
  31. Paru says:
    April 24, 2013 at 8:20 am

    निशा र अर्जुन जी ले आफैले सम्पूर्ण प्रक्रिया बुझेर मात्रै सगरमाथा आरोहण थाल्नु भएको भए राम्रो हुन्थ्यो. सेभेन समिट ट्रेक एक्स्पीडिसनका प्रमुख मिङमार शेर्पाको गैरजिम्मेवारी पूर्ण बोलि ……रुने लागेर मात्रै …लाई निशा र अर्जुन जी ले फर्केर आएर शशक्त रुप मा खण्डन गर्नु हुन्छ नै होला. यो कारण ले भए पनि सगरमाथा आरोहण मा हुने/हुन सक्ने ठगि को बारेमा कुरा निस्किएको छ . आशा गरौ आगामी दिन मा अरु कोइ ठगिने छैनन् .
    तर अहिले लाई भने निशा र अर्जुन जी लाई शुभकामना…..सकुशल, सुरक्षित सगरमाथा को सफल आरोहण को लागि.

    Reply
  32. Deepak says:
    April 24, 2013 at 7:21 am

    निशा अनि अर्जुन जी तपाई हरुलाई जसरि पनि सगरमाथा आरवोन गर्नु छ र आफ्नो इज्जोत को ख्याल छैन भने यात्रा बढाए हुन्छ नत्र एउटा सेलेब्रेटी भएर अनि बसे कंम्प मा पुगेर चिनियाली हरुको भरिया भएर सगरमाथा को सिर मा पुग्नु एउटा लाचार पन हो / तपाई हरुलाई धेरै को सहयोग थियो अनि सरकार ले पनि छुट दिन्थियोनै आखिर किन…..कि केहि बुजियेना कि क्या हो सगरमाथा जान पाए हुन्थियो ….. पक्कै पनि चर्चा मा आउन त पक्कै होइन होला /
    यात्रा रोक्नुस अनि आफ्नो दर्जा सच्याएर अघि बद्नुस …..

    Reply
  33. पुष्प says:
    April 24, 2013 at 7:16 am

    हुन त यतिका हुँदाहुँदै पनि भरिया नै बनाउन र बनिन उद्दत देखिनेहरू सबै दोषी देखिन्छन । तर नियमकानूनको ठेक्का लिएकाहरूले लाखौँ रुपियाँ तिरेको भन्ने चाल पाउँदा-पाउँदै पनि छानबिन गर्नुको साटो चोचोमोचो मिलाएको जस्तो देखिनुले पहिलो दोषी उनीहरू हुन् ।

    Reply
  34. Dharma acharya says:
    April 24, 2013 at 7:05 am

    कहिले देखि निर्वाचन आयोग का अधिकारी ले आरोहन को अनुमति दिय भन्ने समाचार पद्नु पर्ने हो!! खप्पर मा त लेखेकै हो हाम्रो ..

    Reply
    1. कमले says:
      April 24, 2013 at 6:58 pm

      यो नियम कानुन मनाउने बेला माओवादी नै पावरमा थियो हैन?
      पर्यटनको हाकिम र बोर्डमा को नियुक्ति हुने भनेर दिनहु हिसिला म्याडमको चाकडी बुझाउने
      मेडियामा छाएको हावा चलेर नै पात झरेको बुझ्न पर्छ|

      Reply
  35. Manish says:
    April 24, 2013 at 6:07 am

    मेरो तर्क त नेपाली होस् या बिदेशी सबैले परमिट लिनु पर्छ . नत्र त पशुपति को यात्रा सिद्र को बेपार पो भो नि /
    तेही पनि उनि त सगरमाथा जानु अगि दिशानिर्देशन जस्तो कान्तिपुर को अत्यन्त चर्चित interview appear भएकी अनि किन तेह बाट सरकारसंग अनुरोध गर्न सकिन. she said there we nepali wonot have to pay. Kina uni ले just one फारम भर्न सकिन नन????
    उनि पढेकी पनि छिन किन research नगरी किन लागिन??
    उसले गरेको फोहोर कसले सफा गर्छ without permit janda either paid for permit or not?
    Travel agent ???? I canot say the word here???
    why nepali are so cunning ? What massage does this dissiminate?

    I am no jealous both of them, सिस्टम सिकाउने कसले हो त??? नपढेक बेक्ती हरुले कि निसा and अर्जुन कार्की जस्ता ले ?

    के आडल भयो भन्दै मा जे गर्न पनि पैन्छा?/

    “निशाले सगरमाथा चढ्लिन्, त्यहाँ झण्डा पनि फहराउलिन् प्रायोजकको। तर सर्वोच्च शिखरमा पुगे पनि उनको नैतिकता भने होचिनेछ। उनी आफैले पनि आरोहीका रुपमा हैन, चिनियाँ टोलीको हेल्परका रुपमा सगरमाथा चढेको प्रमाणपत्र पाउने छिन्। के त्यो प्रमाणपत्र उनले आफ्नो कोठामा सजाउन सक्छिन् ? कि जुनिताले जस्तै प्रमाणपत्र नै अस्वीकार गर्छिन् ?””

    Reply
  36. Rajan Upriti says:
    April 24, 2013 at 5:45 am

    अरु केहि होइन ठगी को आरोपमा मिङमार शेर्पा भन्ने जन्तुको लाइसेन्स खोसिनु पर्छ |

    Reply
  37. Raames says:
    April 24, 2013 at 5:24 am

    हरेक क्षेत्रबाट देश लुट्नेहरु, जनता ठग्नेहरु, लुटेराहरु मात्र छन् | हिमाल चढ्नेहरु त्यतिकै धनि भएका हुन् र | अझ गहिरो अध्ययन गर्दै जानु पर्छ के के पो खुल्ने हो ? सगरमाथा कसैको पुर्खाको बिर्ता होइन यो त देशको शान हो |

    Reply
  38. Daya khanal says:
    April 24, 2013 at 5:03 am

    के गर्ने लाई भन्दा देख्ने लाई लाज भनेको यही रहेछ

    Reply
  39. शशांक लामा, न्युयोर्क says:
    April 24, 2013 at 3:58 am

    कुरोमा कुरो, तेञ्जिङ्ग नोर्गे शेर्पा पनि एडमण्ड हिलारीको हेल्परै भएर चढेका थिए ! तेंजिंगले हेल्प नगरेका भए हिलारी चुचुरोमा पुग्थ्यो भन्ने केहि ग्याराण्टि थिएन| अनि तेञ्जिङ्ग अगाडि पुगे कि हिलारी अगाडि पुगे भनेर मानिसहरु न्यानो ठाउँमा बसेर बित्थाको बहस गर्छन| अगाडी हिंडने अघि पुगे, पछाडि हिंडने पछी पुगे| ति दुइजना ज्यान बचाएर फर्केकोमा पो खुशी मान्नुपर्थ्यो| हिमाल आरोहण टिम वर्क र सहासिक काम हो| सफल आरोहण गर्नेहरु बीर र बिरंगना हुन्| हिमाल चढदा जस्तोसुकै हैसियतले चढे पनि, सफल चढाई हुनुपर्यो ! त्यहि नै ठुलो कुरो हो ! प्रथम कलाकार र प्रथम लिम्बुनी नामले केहि लछार्दैन| पेशा र जातभन्दा व्यक्ति महत्वपुर्ण हो | पर्यटन मन्त्रालयले दिएको प्रमाणपत्रमा जे लेखिए पनि आफ्नो सहासिक परिचयलाई कसैले मेटाउन सक्दैन क्यार! त्यो हिमाल चढेको प्रमाणपत्रको खोष्टोले जिन्दगि जिउनमा केहि उल्लेखनीय मदत गरेको देखिएन है | थुप्रै चोटी सगरमाथा चढ़नेहरु अमेरीकामा घोटिएर काम गरिराखेको यिनै आँखाले देखेको छु| भनेपछि नामको लागि हिमाल चढने प्रतिष्पर्धा नगरेर सहासिक कार्यको लागि हिमाल चढने परिपाटी बसाउँ होला| हिमाल सबैको साझा हो, सबैले मिलेर सहुलियत दरमा चढन पाउनुपर्छ | हेल्परले चढे पनि बाबुसाहेबले चढे पनि हिमाल त त्यहि हो क्यार ! बाबुसाहेबले चढ़ने हिमाल भिन्न छ भने कुन्नि ! ए तेरीमा लाने ! हिमाल चढ़दा पनि हेल्पर र सेल्पर के भनेको होला? टिम वर्कर भनेको भए भैहाल्थ्यो नि !!!

    Reply
    1. Prakash says:
      April 24, 2013 at 2:15 pm

      Somebody from Sherpa community or so called janajaati is involved in this corruption of mountaineering so are you trying to justify him , mr sashanka lama from New York.

      Reply
      1. Nima says:
        April 29, 2013 at 7:29 pm

        हे प्रकाश,को हो त्यो जनजातिका नाइके?प्रमाणित तिमीले गरेर देखाउनु पर्छ शशांक लामाले होइन/हो निशा र अर्जुन ठगिए ठगलाई कारबाही हुनु पर्छ/त्यसमा मेरो समर्थन छ/तर दुइ सय चालिस बर्ष सम्म विदेशीले दिएको ऋण सहयोग देखि लिएर जनताले तिरेको कर सबै खाएर देशको अर्थतन्त्र देखि लिएर ब्यबस्था,नीति,नियम भताभुङ्ग पर्ने ठग चोर डाँका,गुण्डा दलाल
        को नाइकेहरु को हुन्?प्रकास जी,नढाँटी सत्य सत्य बताई दिनु भए यहाँ प्रति आभारी हुने थिएँ. पैंसा पाए राष्ट्र र राष्ट्रियता ख्याल नगरी राहदानी देखि लिएर नागरिकता समेत बंगाली र भारतीय अपराधीहरुलाई बेच्ने ति गद्दारहरु को हुन्? यी गद्दारहरुलाई किन कारबाही गर्न सकिएन?

        Reply
    2. neerose says:
      April 24, 2013 at 4:24 pm

      ‘अगाडि हिड्ने अघि पुगे पछाडि हिड्ने पछि पुगे’ रे?
      यदि तेञ्जिङ्ग एडमनडको हेल्पर भयर गयको भय पहिले पत्तो लाउनपर्ने कुरा भनेको सगरमाथाको टुप्पोमा एडमनड लाइ पुर्याउन तेञ्जिङ्ग ले कसरि हेल्प गरे भन्ने हो!
      यदि तेञ्जिङ्ग ले एड्मनडलाइ माथिबाट तुप्पिमा समातेर तानेर टुप्पोमा उकालेको भए तेञ्जिङ्ग अगाडि पुग्यो तर एडमनडको चाकमा धकाली टुप्पोमा उकाली दियको भय एडमण्ड पहिले पुग्यो!

      कुरो यहा को कसरि चड्यो भन्दा पनि पैसो लियर चड्ने र पैसो तिरेर चन्दने को हो!
      चड्न त दुवै चड्यो तर एउटा आफ्नो जीवनको कमाइ को पैसो तिरेर गौरबका साथ् चड्यो अर्को चाहि ज्याला लियर सहयोगी भरिया बनेर चड्यो!
      अब कुनचाहि राम्रो, हुन त दुवै राम्रो हो नि तरपनि एउटा चाहि सहि राम्रो हो!
      तर यिनीहरु चाहि धनको नाश सगरमाथाको बर्बाद गर्ने हरु हुन्!

      Reply
    3. लोकेन्द्र खापुङ says:
      April 24, 2013 at 5:07 pm

      मानौं दुईजना नेपाली अमेरिका पुगे रे। एकजना नेपाली न्यूयोर्कको ज्याक्सनहाइट्समा एउटा देसी भाइको रेष्टुरेण्मा भाँडा माझ्छन्। अर्का नेपाली टाइम्स स्क्वायरको एक फाइनान्नसियर इन्स्टिच्युटमा एक्ज्युकेटिभ छन्। के यी दुई नेपालीको अमेरिका बसाइको माने एकै हुन्छ? हो हामी सबै मानिसलाई समान ठान्छौं तर सामाजिक थथार्थता त अर्कै छ नि होइन र?

      तेञ्जिङ्ग शेर्पाले एडमण्ड हिलारीको हेल्पर भएर सगरमाथा चढेका थिए वा आरोही भएर चढेका थिए? के त्यो बेला आजको जस्तै आरोही र हाइ-अल्टिच्युड वर्करका रुपमा वर्गीकरण गर्ने थिति बसिसकेको थियो? शशांकजीले तथ्य पढेर लेख्नुभो वा अन्दाजीको भरमा लेख्नुभो, त्यो चाहिँ थाहा भएन।

      जेहोस्, शशांकजीले संकास्पद काम गर्ने पर्वतारोहण कम्पनीको कर्तुतलाई आज अचानक घुमाइ-फिराइ बचाउ गरेको पढ्दा दुःख लाग्यो।

      Reply
      1. Aakar Bhushan Nepali says:
        April 24, 2013 at 11:19 pm

        कठै लोकेन्द्र तपाईको मानसिक दरिद्रता र दरिद्रताको पनि मापन हुने भए सबै भन्दा पनि निकम्माको दरिद्रता | मित्र आग्रहबिहिन मुटु र ठण्डा तथा सच्चा दिमागको अगाडी restaurant मा हेल्पर हुनु र executive त के राष्ट्रपति हुनु पनि एकै हो| मान्छेलाई मान्छे बनेर अनि मान्छे भनेर हेर्न सिकौं मित्र | ठगी गर्ने गराउने लाई कठघरा ल्याएर उचित उपचार गरिनै पर्ने तथ्यको विकल्प छैन र शशांकको कमेन्टमा अन्यथा कम्तिमा मैले चाहिं भेटिन |

        Reply
      2. sandesh says:
        April 24, 2013 at 11:40 pm

        एकदम ठिक कुरा गर्नु भयो लोकेन्द्र जी | सामाजिक यथार्थ त तपैले भने जस्तै हो . अनि तेञ्जिङ्ग शेर्पाको पाला र अहिले धेरै फरक छ |

        ससांकजी को कुरा त तांग न तुंगको जस्तो लाग्यो | सरि है येस्पाली हरियो flag दिन सकिन 🙂

        Reply
    4. Aakar Bhushan Nepali says:
      April 24, 2013 at 7:35 pm

      गाँठी कुरा गर्छ शशांक कहिले काँही | भनुँ भनुँ लागेर पनि ढङ्ग पुर्याएर भन्न नसकी रहेको बेला नुन, मसला पुर्याएर नै भन्यो है शशांकले यो पटक | अहिले नेपालमा अति नै “लोकप्रिय” भईरहेको “पहिलो” र “जात”को लाजमर्दो गिनिज संस्कृतिबाट जोगिन र जोगाउन शशांकको यो सल्लाह अलिकति सबैले लिने कि !

      Reply
    5. रुपक खनाल says:
      April 24, 2013 at 11:41 pm

      सगरमाथा चढ्न स्पन्सर गर्नेले गरिहाले, प्रथम हुनेहरू भइहाले। पछि आएर आरिस गर्नेहरूले केही लछार्दैनन्। कि कसो शशांकजी?

      नेकाभित्रका क्रान्तिकारी/समाजवादी भनिने नरहरि आचार्य र गगन थापाको नकाव तब खुल्यो जब बाबुरामको सरकारले सार्वजनिक जग्गा मिचेर बनाइएका घरहरू भत्काउन थाल्यो। आचार्य र थापा दुबैले जग्गा मिचेर घर बनाएका रहेछन्। त्यसैले बाबुराम सरकारको घोर बिरोध गरे। ठीक त्यसैगरी यसअघि वामपन्थीका रुपमा कमेण्ट लेख्ने शशांक लामाजीले पर्वतारोहीहरुसंग रु १० लाख असुलेर भरिया बनाएर सगरमाथा चढाउने देशमारा कालाबजारीयाहरूलाई घुंडा धसेर बचाउ गरेको देख्ता म त शशांकजीसंग पनि ससंकित भएको छु।

      Reply
      1. शशांक लामा, न्युयोर्क says:
        April 25, 2013 at 9:26 am

        पर्यटन मन्त्रालयको पण्डितहरु संग पलेटी कसेर पकवान खाने पेम्बा दोर्जी पनि पातकी हुन भनेर मैले माइसंसारको अघिल्लो पोष्टिंगमा भनेर ल्याएको छु है ! कमेन्ट राम्ररि नपढी आक्षेप नलगाऊँ न हाव !

        Reply
    6. बुद्ध (कोरिया ) says:
      April 26, 2013 at 6:28 am

      लामा जी को कुरा मा दम छ , होइना मान्छे लाई सत्य कुरा गर्न कति गारो भाको होला

      Reply
    7. Sisir says:
      April 26, 2013 at 1:19 pm

      शशांक जीले जसरि चढे पनि चड्ने नै त हो भन्ने कुरा मान्ने हो भने त खाना किन थालमै खानु पर्यो र कोपरामा खाए पनि भै हाल्यो नि , आखिरी खाने त खाने कुरै हो थाल होइन पेट भरे भैगो क्यार भने जस्तै लाग्यो ? कुरालाई चाही राम्रै संग घुमैदिनु भो है .. गलत रबैयालाई प्रोत्साहित नगरौ ..

      Reply
  40. anzaan says:
    April 24, 2013 at 3:21 am

    निशा र अर्जुनको त प्रचण्डपुत्र जति बुद्धि पनि रहेनछ… हा हा हा |
    ( लौ अब मलाई पुष्पले झ्याको झार्नेभए | मलाई पुष्पबाट बचाउनुहोस् है हरियो लगाएर )

    Reply
    1. पुष्प says:
      April 25, 2013 at 1:24 am

      “चिन्नु न जान्नु घुचेडी मार्नु”
      बित्थामा किन मेरो नाम झोसेको?

      Reply
      1. puru says:
        April 26, 2013 at 8:18 pm

        अब तिमि प्रचण्डले गधालाई गाई भन्यो भनी , “हो सरकार गाई नै हो” भन्छौ त !!!

        Reply
  41. Nipesh Adhikari says:
    April 24, 2013 at 3:12 am

    पहिले त निशा र अर्जुनको अनि मिङमार शेर्पाको, हाइ अल्टिच्युड वर्कर भन्ने नाम दिएर पैसा मात्रै आसुल्ने नियेत पो देखियो. एस कुरा को भित्रि कुरा बाहिर आयो अब एसको राम्रो निएम बन्ला कि . अब सगरमाथा चड्ने ले भने हाइ अल्टिच्युड वर्कर मा होकी रेअल चड्दै छु पहिले नै थाहा पाउने भए ! मलाई त यो समाचार ले संसार को अग्लो सगरमाथा चढे जस्तै भयो !

    Reply
  42. krishna says:
    April 24, 2013 at 3:01 am

    तिघ्रा देखाएर नाचे जस्तो मानेर हुदैन सगरमाथा चढ्नु भन्ने कुरा बुझेर मात्र तयारी पुरा गरि जानु पर्ने हो नानी म त नेपाल को चल्ती को नायिका हो एसले मलाई प्रख्यात बनाउछ भन्ने धुन ले मात्र सगरमाथा तिर लागेको र जितबहादुर पनि येसो चर्चा मा आउन सकिन्क्ष कि भने कानुनी तथा प्रक्रियागत रुप मा के के गर्नु पर्नेछ भन्ने जान्नु भन्दा नि रेडियो र टिभी मै धेरै देखिन खोज्नु ले यो सब भएको हो तसर्थ जित बहादुर र निशा अधिकारी नानी नै धेरै दोषी हुन् भने सबै कुरा नभनी पैसा लिएर लैजान खोज्ने treaking कम्पनि प्रमुख पनि दोषी नै हुन् ……

    Reply
    1. Nima says:
      April 30, 2013 at 9:08 pm

      सगरमाथा चढ्ने भनि प्रेस कन्फेरेन्स गरेर हल्ली खल्ली मच्चाएर हिंड्नेले सगरमाथा मात्र होइन नेपालको कुनै पनि हिमाल आरोहन गर्नु परेमा पर्यटन मन्त्रालय बात के कस्ट अनुमति लिनु पर्छ भन्ने बारे कानुनी प्रावधान के कस्तो छ भनेर बुझु पनि आवश्यक छ/हो खुला तिग्रा र छाती देखाएर नाम कमाउँनु जस्तो सजिलो छैन,यो कुरा साँचो हो/

      Reply
  43. P.R Baral(UK) says:
    April 24, 2013 at 2:55 am

    यिनीहरुको हैसियेत पनि त कुल्लिकै छ नि |

    Reply

Leave a Reply Cancel reply

Your email address will not be published. Required fields are marked *

माइसंसारलाई सहयोग गर्नुस्

माइसंसार पाठकहरुलाई स्वेच्छिक सहयोगको आह्वान गर्छ। तपाईँ इसेवामार्फत् वा तलको क्युआर कोडमार्फत् सहयोग गर्न सक्नुहुन्छ। विस्तृत यसमा पढ्नुस्।

Links

  • गृहपृष्ठ (Home)
  • मेरो बारेमा (About me)
  • पुरानो ब्लग (Archives)
  • माइसंसार इमेल

यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि [email protected] मा इमेल गर्नुहोला।
© 2023 MySansar | Powered by Superbs Personal Blog theme