सावधान, सोमबारदेखि इन्टरनेट नचल्न सक्छ

सोमबारदेखि तपाईँले आफ्नो ल्यापटप वा डेस्कटपमा कुनै पनि साइट हेर्न खोज्दा नखुल्ने स्थिति आउन सक्छ। केही लाख प्रयोगकर्ताहरुको इन्टरनेटसँग सम्बन्ध विच्छेद हुनेछ। त्यसमध्य एक तपाईँ पनि हुन सक्नुहुनेछ।

डीएनएस चेन्जर नामको ‘मालवेयर’ले तपाईँको कम्प्युटरमा संक्रमण गरेको छ भने जुलाई ९ तारिख अर्थात् असार २५ गते सोमबारपछि तपाईँको कम्प्युटरमा कुनै साइट खुल्ने छैन। तपाईँले थाहै नपाईँ अन्तर्राष्ट्रिय ह्याकरहरुले विश्वका धेरै कम्प्युटरलाई संक्रमित बनाइसकेका छन्। यो सूचि अनुसार नेपालमा संक्रमणको संख्या ४३ छ। उनीहरुले सोमबारअघि नै बचाउका उपाय अपनाएनन् भने इन्टरनेट सम्पर्क विच्छेद हुनेछ।

त्यसो भए सोमबार अघि चाहिँ कसरी ती संक्रमित कम्प्युटरहरुमा इन्टरनेट चलिरहेको छ त ? कुरा यस्तो हो- एफबीआइले केही महिना अघि अमेरिकाको सरकारी कम्प्युटरहरुलाई बचाउन एउटा सुरक्षा जालो (अस्थायी सर्भरहरु) बनाएको थियो। त्यही सुरक्षा जालोमार्फत् संक्रमित कम्प्युटरहरुको पहुँच इन्टरनेटसम्म पुग्थ्यो। तर अब सोमबारदेखि त्यो सिस्टमलाई सटडाउन गर्न लागिएको छ।

संक्रमित हो कि हैन कसरी थाहा पाउने ?
माइसंसारले यसअघि पनि तपाईँलाई गत अप्रिलमा यसबारे जानकारी गराएको थियो। तपाईँको कम्प्युटर संक्रमित हो कि हैन यो वेबसाइट www.dcwg.org मा गएर हेर्न सकिन्छ। यदि संक्रमित हो भने त्यहीँ यो समस्यालाई कसरी समाधान गर्ने उपाय सिकाइएको छ।

मैले त्यो साइटको http://www.dns-ok.us/ मा क्लिक गरी हेर्दा मेरो कम्प्युटरमा हरियो चिह्न देखायो

यसको मतलब मेरो कम्प्युटर संक्रमित छैन। यदि यस्तो खालको रातो देखिएको भए तपाईँको कम्प्युटर संक्रमित हुन्थ्यो र तपाईँले जुलाई ९ पछि इन्टरनेट चलाउन सक्नुहुन्न।

हरियो आए त केही गर्न परेन। रातो आयो भने नि ? धन्दा नमान्नुस्, यो साइटमा क्लिक गरी http://www.dcwg.org/fix/ तपाईँले निःशुल्क टुल डाउनलोड गरी बनाउन सक्नुहुन्छ।

तपाईँले आफ्नो कम्प्युटर यी साइटबाट पनि चेक गर्न सक्नुहुन्छ
http://bit.ly/Mcafee-checker
http://bit.ly/qualys-checker

गुगल र फेसबुकले पनि आफ्नो साइट लग इन गरेका संक्रमित कम्प्युटरहरुलाई यसबारे जानकारी दिने काम गरिसकेको छ।

ह्याकरहरुले विश्वभरका ५ लाख ७० हजारभन्दा बढी कम्प्युटरलाई आफ्नो नियन्त्रणमा लिएका थिए। माइक्रोसफ्ट विन्डोजको अपरेटिङ सिस्टममा भएको कमजोरीको फाइदा उठाउँदै उनीहरुले ती कम्प्युटरहरुमा विभिन्न सफ्टवेयरहरु इन्सटल गरेका थिए। यसले एन्टिभाइरस अपडेट अफ मात्र गरेन, इन्टरनेटको डीएनएसलाई समेत बिगारिदिने काम गर्‍यो।

अमेरिकामा सबैभन्दा बढी ८५ हजार कम्प्युटर यसबाट प्रभावित भएको भनिएको छ। २० हजारभन्दा बढी कम्प्युटर प्रभावित भएका देशहरुमा इटाली, भारत, इंगल्यान्ड र जर्मनी छन्। त्यसैगरी स्पेन, फ्रान्स, क्यानाडा, चीन र मेक्सिकोका कम्प्युटर पनि प्रभावित भनिएको छ। तर माथिको लिङ्कमा चेक गर्दा हरियो आएको छ भने ढुक्क हुनुस्, केही हुने छैन।

थप जानकारीका लागि
Last chance to remove DNSChanger virus before web access is cut (CBC News)
DNSChanger Deadline is Monday. Are You Ready? (PC Mag)
How to test your computer for DNS Changer Malware (Los Angeles Times)

http://www.fbi.gov/news/stories/2011/november/malware_110911
http://www.sfgate.com/cgi-bin/article.cgi?f=/n/a/2012/04/20/national/w110653D95.DTL